އިންޑިއާގެ ބޮޑުވަޒީރު ނަރެންދުރަ މޯދީ، މި އަހަރުގެ ބަރަކާތްތެރި އަޟްޙާ އީދުގެ ތަހުނިޔާ، ރައީސް އިބްރާހީމް މުޙައްމަދު ޞާލިޙަށާއި ދިވެހި ސަރުކާރާއި ރައްޔިތުންނަށް ފޮނުއްވައިފިއެވެ.
މިއަދު ފޮނުވި ތަހުނިޔާގެ މެސެޖްގައި ބޮޑުވަޒީރު މޯދީ ވަނީ ރައީސް ޞާލިޙަށް ފުރިހަމަ ސިއްހަތަކަށާއި ރާއްޖޭގެ ރައްޔިތުންނަށް ފާގަތިކަން އެދިވަޑައިގަންނަވާކަމަށް ވިދާޅުވެ ހެޔޮއެދުން ފޮނުއްވާފައިއެވެ.
މޯދީގެ ތަހުނިޔާގެ މެސެޖްގައި ވިދާޅުވެފައިވަނީ، ޑިމޮކްރަސީގެ އަސާސްތަކުގެ މައްޗަށް ލާމެހިފައިވާ އިންޑިއާއާއި ދިވެހިރާއްޖެއާއި ދެގައުމުގެ ގުޅުމަކީ ހާއްސަ އަދި ޒަމާންވީ ގުޅުމެއްކަމާއި މިއީ ސަރަހައްދީ ހަމަޖެހުމަށް އެޅިފައިވާ ބާރެއްކަމަށެވެ.
ބޮޑުވަޒީރު މޯދީ ރައީސް ޞާލިހަށާއި ދިވެހި ރައްޔިތުންނަށް ޢީދުގެ ތަޙުނިޔާ ފޮނުއްވާފައި ވާއިރު ރައީސް ޞާލިހުގެ ޒަޢާމަތުގައި ރާއްޖެއާއި އިންޑިއާއާއި ދެމެދުގައި އޮންނަ ޒަމާންވީ ގުޅުން އިތުރު މަރުހަލާއަކަށް ދަތުރުކޮށްފައިވާކަން ފާހަގަކޮށްލެވެއެވެ.
ބޮޑުވަޒީރު މޯދީ ރައީސް ޞާލިހަށާއި ދިވެހި ރައްޔިތުންނަށް ޢީދުގެ ތަޙުނިޔާ ފޮނުއްވާފައި ވާއިރު ރައީސް ޞާލިހުގެ ޒަޢާމަތުގައި ރާއްޖެއާއި އިންޑިއާއާއި ދެމެދުގައި އޮންނަ ޒަމާންވީ ގުޅުން އިތުރު މަރުހަލާއަކަށް ދަތުރުކޮށްފައިވާކަން ފާހަގަކޮށްލެވެއެވެ.
ކިޔުންތެރިންގެ ހިޔާލު