"ބެސްޓް އައިލެންޑް އިން އޭޝިއާ" އެވޯޑު ދިވެހިރާއްޖެއަށް ލިބިއްޖެއެވެ.
ރާއްޖެއަށް މި އެވޯޑު ލިބިފައިވަނީ މިމަހުގެ 20 ވަނަ ދުވަހު ނިއުޔޯކުގައި ބޭއްވި ޓްރެވަލް ޕްލަސް ލެޝަރ 2022 ގެ ވޯލްޑްސް ބެސްޓް އެވޯޑްސް ހަފްލާގައެވެ.
ޓްރެވެލް ޕްލަސް ލެޝަރ ގްލޯބަލް ވިޝަން އެވޯޑަކީ ދެމެހެއްޓެނިވި ފަތުރުވެރިކަމުގެ ޕްރޮޑަކްޓްތަކާއި، ކުންފުނިތަކާއި، ފަރާތްތަކާއި، މަންޒިލްތަކާއި، ޖަމިއްޔާތައް ފާހަގަކޮށް އެކަމުގެ އަގުވަޒަންކުރުމުގެ ގޮތުން ދޭ ޚާއްސަ އެވޯޑެކެވެ.
"ބެސްޓް އައިލެންޑް އިން އޭޝިއާ" އެވޯޑާއި ރާއްޖޭގެ ފަރާތުން ހަވާލުވެވަޑައިގަތީ ރާއްޖެއިން އެމެރިކާއަށް ކަނޑައަޅުއްވާފައި ހުންނަވާ ސަފީރު ތިލްމީޛާ ޙުސައިންއެވެ.
މި އެވޯޑު ރާއްޖެއަށް ލިބުމާ ގުޅިގެން އެމް.އެމް.ޕީ.އާރު.ސީގެ ޗީފް އެގްޒެކެޓިވް އޮފިސަރ ތޮއްޔިބު މުޙައްމަދު ވިދާޅުވީ، ބައިނަލްއަޤްވާމީ މައިދާނުގައި މިފަދަ އެވޯޑުތައް ރާއްޖެއަށް ލިބުމަކީ މުޅި ޤައުމަށް ލިބޭ ފަޚުރެއްކަމަށެވެ. އަދި މިއީ ފަތުރުވެރިކަމުގެ މުޅި ސިނާޢަތް ގުޅިގެން ކުރާ މަސައްކަތުގެ ނަތީޖާކަމަށް ތޮއްޔިބު ވިދާޅުވިއެވެ.
"ގޮންޖެހުންތައް ގިނަ ނަމަވެސް، އަބަދުވެސް އަޅުގަނޑުމެންގެ ވާދަވެރިންނަށްވުރެ ކުރީގައި ތިބެންޖެހޭ. މިކަން ހާސިލްކުރެވޭނީ ރާއްޖެ އަންނަ ފަތުރުވެރިންނަށް ތަފާތު އަދި ރަނގަޅު ހިދުމަތްތަކެއް އަބަދުވެސް ދީގެން." ތޮއްޔިބު ވިދާޅުވިއެވެ.
މިއަހަރުގެ މިހާތަނަށް ރާއްޖެއިން ވަނީ ފަތުރުވެރިކަމުގެ ދާއިރާއިން މުހިއްމު 4 އެވޯޑެއް ހާސިލްކޮށްފައެވެ. އޭގެއިތުރުން ރާއްޖޭގެ ވަކިވަކި ރިސޯޓުތަކާއި ފަތުރުވެރިކަމުގެ ޙިދުމަތްދޭ ތަންތަނަށް ވަނީ އެކިއެކި އެވޯޑްވެސް ލިބިފައެވެ.
މިދިޔަ އަހަރު ރާއްޖެއިން ވަނީ ފަތުރުވެރިކަމުގެ ދާއިރާގެ 18 އަށްވުރެ ގިނަ އެވޯޑް ހާސިލްކޮށްފައެވެ. އޭގެތެރޭގައި ވިދިވިދިގެން 2 ވަނަ ފަހަރަށް ކާމިޔާބުކުރި ދުނިޔޭގެ ލީޑިންގ ޑެސްޓިނޭޝަންގެ އެވޯޑްވެސް ހިމެނެއެވެ.
ޓްރެވެލް ޕްލަސް ލެޝަރ ގްލޯބަލް ވިޝަން އެވޯޑަކީ ދެމެހެއްޓެނިވި ފަތުރުވެރިކަމުގެ ޕްރޮޑަކްޓްތަކާއި، ކުންފުނިތަކާއި، ފަރާތްތަކާއި، މަންޒިލްތަކާއި، ޖަމިއްޔާތައް ފާހަގަކޮށް އެކަމުގެ އަގުވަޒަންކުރުމުގެ ގޮތުން ދޭ ޚާއްސަ އެވޯޑެކެވެ.
"ބެސްޓް އައިލެންޑް އިން އޭޝިއާ" އެވޯޑާއި ރާއްޖޭގެ ފަރާތުން ހަވާލުވެވަޑައިގަތީ ރާއްޖެއިން އެމެރިކާއަށް ކަނޑައަޅުއްވާފައި ހުންނަވާ ސަފީރު ތިލްމީޛާ ޙުސައިންއެވެ.
މި އެވޯޑު ރާއްޖެއަށް ލިބުމާ ގުޅިގެން އެމް.އެމް.ޕީ.އާރު.ސީގެ ޗީފް އެގްޒެކެޓިވް އޮފިސަރ ތޮއްޔިބު މުޙައްމަދު ވިދާޅުވީ، ބައިނަލްއަޤްވާމީ މައިދާނުގައި މިފަދަ އެވޯޑުތައް ރާއްޖެއަށް ލިބުމަކީ މުޅި ޤައުމަށް ލިބޭ ފަޚުރެއްކަމަށެވެ. އަދި މިއީ ފަތުރުވެރިކަމުގެ މުޅި ސިނާޢަތް ގުޅިގެން ކުރާ މަސައްކަތުގެ ނަތީޖާކަމަށް ތޮއްޔިބު ވިދާޅުވިއެވެ.
"ގޮންޖެހުންތައް ގިނަ ނަމަވެސް، އަބަދުވެސް އަޅުގަނޑުމެންގެ ވާދަވެރިންނަށްވުރެ ކުރީގައި ތިބެންޖެހޭ. މިކަން ހާސިލްކުރެވޭނީ ރާއްޖެ އަންނަ ފަތުރުވެރިންނަށް ތަފާތު އަދި ރަނގަޅު ހިދުމަތްތަކެއް އަބަދުވެސް ދީގެން." ތޮއްޔިބު ވިދާޅުވިއެވެ.
މިދިޔަ އަހަރު ރާއްޖެއިން ވަނީ ފަތުރުވެރިކަމުގެ ދާއިރާގެ 18 އަށްވުރެ ގިނަ އެވޯޑް ހާސިލްކޮށްފައެވެ. އޭގެތެރޭގައި ވިދިވިދިގެން 2 ވަނަ ފަހަރަށް ކާމިޔާބުކުރި ދުނިޔޭގެ ލީޑިންގ ޑެސްޓިނޭޝަންގެ އެވޯޑްވެސް ހިމެނެއެވެ.
ކިޔުންތެރިންގެ ހިޔާލު