ރާއްޖޭގެ 57 ވަނަ މިނިވަން ދުވަހުގެ މުނާސަބަތުގައި މިއަދު ބޭއްވި ދިދަ ނެގުމުގެ ހާއްސަ ރަސްމިއްޔާތުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ބައިވެރިވެވަޑައިގެންފިއެވެ.
މިއަދު ހެނދުނު 5:50 ގައި ޖުމްހޫރީ މައިދާނުގައި ފެށި އެ ރަސްމިއްޔާތުގައި ރައީސް ޞާލިޙާއި އެ މަނިކުފާނުގެ އަނބިކަނބަލުން ފަޒްނާ އަޙްމަދު ބައިވެރިވެވަޑައިގެންނެވިއެވެ. އަދި ނާއިބު ރައީސް ފައިޞަލް ނަސީމާއި ދައުލަތުގެ ވަޒީރުންނާއި އެނޫންވެސް އިސް ބޭފުޅުން ބައިވެރިވެވަޑައިގެންނެވިއެވެ.
ރަސްމިއްޔާތުގައި ދިދަ ނެގުމުގެ އިތުރުން ދުވަހާގުޅޭ ހާއްސަ ދުއާއެއް ކުރުން އޮތެވެ. އިސްވެ މި ދުއާ ކޮށްދެއްވާފައިވަނީ އައްޝައިޚް އަޙްމަދު މައުމޫނެވެ.
ރާއްޖޭގެ މިނިވަންކަމަށް 57 އަހަރުފުރުން މިއަދު ފާހަގަ ކުރަމުން ދާއިރު، ރައީސް ޞާލިޙް މިއަދު ވިދާޅުވެފައިވަނީ މިނިވަންކަން ރައްކާތެރިކުރުމަށް އެންމެންވެސް ވާހަކަ ދައްކަންވާނީ އެއް ބަހަކުން ކަމަށެވެ. އަދި މިއީ އެފަދަ ދުވަހެއް ކަމަށާއި މިނިވަންކަމާ ސަލާމަތާ ރައްކާތެރިކަން ވަނީ ވަރަށް ބޮޑަށް ގުޅި ލާމެހިފައި ކަމަށެވެ.
ރާއްޖޭގެ މިނިވަންކަމަށް 57 އަހަރުފުރުން މިއަދު ފާހަގަ ކުރަމުން ދާއިރު، ރައީސް ޞާލިޙް މިއަދު ވިދާޅުވެފައިވަނީ މިނިވަންކަން ރައްކާތެރިކުރުމަށް އެންމެންވެސް ވާހަކަ ދައްކަންވާނީ އެއް ބަހަކުން ކަމަށެވެ. އަދި މިއީ އެފަދަ ދުވަހެއް ކަމަށާއި މިނިވަންކަމާ ސަލާމަތާ ރައްކާތެރިކަން ވަނީ ވަރަށް ބޮޑަށް ގުޅި ލާމެހިފައި ކަމަށެވެ.
ކިޔުންތެރިންގެ ހިޔާލު