ކުރިޔަށް އޮތް ރިޔާސީ އިންތިހާބު މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ނޫން ބަޔަކަށް ކާމިޔާބުވާތަން ފެނިވަޑައިނުގަންނަވާކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
އެމްޑީޕީގެ 4 ވަނަ ކޮންގްރެސްގެ އެޖެންޑާގައި ހިމެނިފައި އޮތް ކަންތައްތަކަށް ބަހުސްކޮށް ނިމުމުން ރިޔާސަތުގެ މޭޒުގައި އިށީނދެވަޑައިގެން ރައީސް ވަނީ ކޮންގްރެސްގެ ބައިވެރިންނާ މުހާތަބު ކުރައްވާ ކުރު ވާހަކަފުޅެއް ދައްކަވާފައެވެ.
އެމަނިކުފާނުގެ ވާހަކަފުޅުގައި އެންމެ ފުރަތަމަވެސްވަނީ، ރައީސް ނަޝީދު ހުށަހަޅުއްވަން ގަސްދުކުރައްވާ އެޖެންޑާގައި ހިމެނި ބަރުލަމާނީ ނިޒާމާގުޅޭ ގަރާރު އަނބުރާ ނެންގެވުމަށް ނިންމެވީތީ އެމަނިކުފާނަށް ޝުކުރު އަދާކުރައްވާފައެވެ. ރައީސް ވިދާޅުވީ، ކޮންގްރެސް ފެށިގެން މިހާ ހިސާބަށް އާދެވުނު އިރުވެސް އެންމެ ބޮޑު ހިޔާލު ތަފާތުވުންތަކެއް ހުރީ ރައީސް ނަޝީދުގެ އެ ގަރާރާމެދު ކަމަށެވެ.
ނަމަވެސް، މަޝްވަރާގެ މަތިން ކަންކަމަށް ހައްލުލިބި، ކޮންގްރެސް ނިމިގެން މިދަނީ އެމަނިކުފާނު ގަބޫލު ކުރަށްވާ ގޮތުގައި ފުރިހަމަ "މެޗްއަރޑް" ޕާޓީއެއްގެ ގޮތުގައި ކަމަށް އެމަނިކުފާނު ވިދާޅުވިއެވެ. މިގޮތަށް އެމަނިކުފާނު އިޝާރާތް ކުރެއްވީ ބަރުލަމާނީ ނިޒާމާ ގުޅޭ ގަރާރު އަނބުރާ ގެންދެވުމާއި ގުޅުވައިގެނެވެ.
އެމަނިކުފާނު އިތުރަށް ވިދާޅުވީ، ޕާޓީގެ މެންބަރުން އެކަތިގަނޑަކަށްވެ ތިބެގެން އެކުގައި މަސައްކަތް ކޮށްގެން ރިޔާސީ އިންތިހާބު އެމްޑީޕީއަށް ކާމިޔާބު ކުރެވޭނެކަމަށާ، އެމްޑީޕީ ނޫން ބަޔަކަށް ރިޔާސީ އިންތިހާބު ކާމިޔާބުވާތަން ފެނިވަޑައިނުގަންނަވާކަމަށެވެ.
ވާހަކަފުޅު ނިންމަވާލެއްވުމުގެ ކުރިން އެމަނިކުފާނުވަނީ، ކޮންގްރެސްގެ އިންތިޒާމުތައް ހަމަޖައްސާފައިވާލެއް ފުރިހަމަކަމަށްޓަކައި އެކަމުގައި ހަރަކާތްތެރިވި އެންމެހާ ފަރާތްތަކަށް ހާއްސަ ޝުކުރެއް ދަންނަވާފައެވެ. އަދި ވިދާޅުވީ، މެންދުރުގެ ހޫނުކަމުގައި ތިބިނަމަވެސް، ދުވަސް ނިމިގެން ދަނީ ހަވީރުގެ ފިނިކަމަށް ކަމަށެވެ.
އެމަނިކުފާނުގެ ވާހަކަފުޅުގައި އެންމެ ފުރަތަމަވެސްވަނީ، ރައީސް ނަޝީދު ހުށަހަޅުއްވަން ގަސްދުކުރައްވާ އެޖެންޑާގައި ހިމެނި ބަރުލަމާނީ ނިޒާމާގުޅޭ ގަރާރު އަނބުރާ ނެންގެވުމަށް ނިންމެވީތީ އެމަނިކުފާނަށް ޝުކުރު އަދާކުރައްވާފައެވެ. ރައީސް ވިދާޅުވީ، ކޮންގްރެސް ފެށިގެން މިހާ ހިސާބަށް އާދެވުނު އިރުވެސް އެންމެ ބޮޑު ހިޔާލު ތަފާތުވުންތަކެއް ހުރީ ރައީސް ނަޝީދުގެ އެ ގަރާރާމެދު ކަމަށެވެ.
ނަމަވެސް، މަޝްވަރާގެ މަތިން ކަންކަމަށް ހައްލުލިބި، ކޮންގްރެސް ނިމިގެން މިދަނީ އެމަނިކުފާނު ގަބޫލު ކުރަށްވާ ގޮތުގައި ފުރިހަމަ "މެޗްއަރޑް" ޕާޓީއެއްގެ ގޮތުގައި ކަމަށް އެމަނިކުފާނު ވިދާޅުވިއެވެ. މިގޮތަށް އެމަނިކުފާނު އިޝާރާތް ކުރެއްވީ ބަރުލަމާނީ ނިޒާމާ ގުޅޭ ގަރާރު އަނބުރާ ގެންދެވުމާއި ގުޅުވައިގެނެވެ.
ވާހަކަފުޅު ނިންމަވާލެއްވުމުގެ ކުރިން އެމަނިކުފާނުވަނީ، ކޮންގްރެސްގެ އިންތިޒާމުތައް ހަމަޖައްސާފައިވާލެއް ފުރިހަމަކަމަށްޓަކައި އެކަމުގައި ހަރަކާތްތެރިވި އެންމެހާ ފަރާތްތަކަށް ހާއްސަ ޝުކުރެއް ދަންނަވާފައެވެ. އަދި ވިދާޅުވީ، މެންދުރުގެ ހޫނުކަމުގައި ތިބިނަމަވެސް، ދުވަސް ނިމިގެން ދަނީ ހަވީރުގެ ފިނިކަމަށް ކަމަށެވެ.
ކިޔުންތެރިންގެ ހިޔާލު