ރާއްޖޭގައި މަސްތުވާތަކެތީގެ ވިޔަފާރި ފުޅާދާއިރާއެއްގައި ކުރާކަމަށް ފުލުހުން ތުހުމަތުކުރާ އަރުޝަދު ޚާލިދުގެ ޕާސްޕޯޓް ހިފަހައްޓައި މާލޭން ބޭރަށް ދިއުން ހައިކޯޓުން މަނާކޮށްފިއެވެ.
2020 ވަނަ އަހަރުގެ ޖަނަވަރީ މަހުގެ ފަހުކޮޅު މާލެއިން އަތުލައިގަތް 9 ކިލޯގެ މަސްތުވާތަކެތީގެ މައްސަލައިގައާއި، މިދިޔަ އަހަރުގެ ޑިސެމްބަރު މަހުގެ 12 ވަނަ ދުވަހު ފުލުހުން ހިންގި ހާއްސަ އޮޕަރޭޝަނެއްގައި އަތުލައިގަތް 119 ކިލޯގެ މަސްތުވާތަކެތި ރާއްޖެ އެތެރެކުރުމުގައި އެންމެ އިސްކޮށް ހުރިކަމަށް ފުލުހުން ތުހުމަތުކުރާ އަރުޝަދު ރާއްޖޭން ބޭރުގައި ދިރިއުޅެނިކޮށް ރާއްޖެއަށް ގެނެސްފައިވަނީ މިމަހުގެ 10 ވަނަ ދުވަހުއެވެ.
ގދ. ހޯޑެއްދޫ އަލޯރާ، އަރުޝަދު ޚާލިދު ދުބާއީން ޑީޕޯޓްކޮށްލުމުން ލަންކާ މަގުން ރާއްޖެ ގެނެސްފައިވަނީ ހައިކޯޓުގެ އަމުރެއް ތަންފީޛުކުރުމުގެ ގޮތުންނެވެ. އަރުޝަދުގެ ބަންދުގެ މައްސަލަ ހައިކޯޓުގައި ކުރިއަށް ގެންގޮސްފައިވަނީ ރޭ 7:45 ގައެވެ.
ހައި ކޯޓުން ރޭ ބުނެފައިވަނީ އެކޯޓުގައި ކުރިއަށްދާ މައްސަލައެއްގައި އަރުޝަދަކީ އިސްތިއުނާފް ރައްދުވާ އެއް ފަރާތް ކަމަށާއި، އޭނާ ރާއްޖޭން ބޭރުގައި އުޅެނިކޮށް ފުލުހުން މެދުވެރިކޮށް ރާއްޖެއަށް ގެންނަންޖެހުނީ އޭނާ ކޯޓަށް އެއްބާރުލުން ނުދިނުމުގެ ސަބަބުން ކަމަށެވެ.
އެހެންކަމުން ރޭގެ އަޑުއެހުމުގައި ހައި ކޯޓުން ނިންމާފައިވަނީ އަރުޝަދުގެ ޕާސްޕޯޓު ހިފެހެއްޓުމަށާއި، ލިޔުމަކުން ހުއްދަ ލިބިގެން މެނުވީ މާލޭން ބޭރަށް ނުދިއުމަށް ޝަރުތުކުރާކަމަށެވެ.
31 ޖަނަވަރީ 2020 އިން ފެށިގެން ހަތެއް ފެބްރުވަރީ 2020 އާ ހަމައަށް ފުލުހުން ހިންގި އޮޕަރޭޝަނެއްގައި 10 ގެއަކާއި ވެހިކަލްތަކެއް ބަލައި، ފާސްކޮށް، ނުވަ ކިލޯގެ މަސްތުވާތަކެތި އަތުލައިގަނެ، ހައްޔަރުކުރި މީހުންގެ ތެރެއިން އަށް މީހެއްގެ މައްޗަށް ދައުވާކޮށްފައިވެއެވެ. ކްރިމިނަލް ކޯޓަށް ހުށަހެޅި މައްސަލައިގައި 3.7 މިލިއަން ރުފިޔާ ދައުލަތަށް ނަގައިދޭންވެސް ވަނީ އެދިފައެވެ. ނަމަވެސް އެ މައްސަލާގައި ކުށް ސާބިތުވީ ދެމީހެއްގެ މައްޗަށެވެ. ފުލުހުން ތުހުމަތުކުރަނީ މިއީ އަރުޝަދު އިސްވެހުރެ ހިންގަމުންދިޔަ ވިޔަފާރިއެއް ކަމަށެވެ. ދަޢުލަތުންވަނީ އެ މައްސަލަ ހައިކޯޓުގައި އިސްތިޢުނާފް ކޮށްފައެވެ.
ހަމައެއާއެކު މިދިޔަ 2021 ވަނަ އަހަރުގެ ފަހުކޮޅު މާލެ އާއި ހުޅުމާލޭގައި ހިންގި އޮޕަރޭޝަނެއްގައި އަތުލައިގަތް 119 ކިލޯގެ މަސްތުވާތަކެތި ރާއްޖެއަށް އެތެރެކުރުމުގައި އިސްކޮށް ހަރަކާތްތެރިވި އެކަކީވެސް އަރުޝަދު ކަމަށް ފުލުހުން ތުހުމަތުކުރެ އެވެ. އަދި މާލެއަށް މަސްތުވާތަކެތި އެތެރެކުރުމަށްފަހު އަރުޝަދު ވަނީ ޑިސެމްބަރުމަހު ރާއްޖެއިން ބޭރަށް ފުރައިގެން ގޮސްފައި ކަމަށް ފުލުހުން ވަނީ ބުނެފައެވެ. އެފަހުން އަރުޝަދު ދިރިއުޅެމުން ގެންދިޔައީ ރާއްޖެއިން ބޭރުގައެވެ.
ގދ. ހޯޑެއްދޫ އަލޯރާ، އަރުޝަދު ޚާލިދު ދުބާއީން ޑީޕޯޓްކޮށްލުމުން ލަންކާ މަގުން ރާއްޖެ ގެނެސްފައިވަނީ ހައިކޯޓުގެ އަމުރެއް ތަންފީޛުކުރުމުގެ ގޮތުންނެވެ. އަރުޝަދުގެ ބަންދުގެ މައްސަލަ ހައިކޯޓުގައި ކުރިއަށް ގެންގޮސްފައިވަނީ ރޭ 7:45 ގައެވެ.
ހައި ކޯޓުން ރޭ ބުނެފައިވަނީ އެކޯޓުގައި ކުރިއަށްދާ މައްސަލައެއްގައި އަރުޝަދަކީ އިސްތިއުނާފް ރައްދުވާ އެއް ފަރާތް ކަމަށާއި، އޭނާ ރާއްޖޭން ބޭރުގައި އުޅެނިކޮށް ފުލުހުން މެދުވެރިކޮށް ރާއްޖެއަށް ގެންނަންޖެހުނީ އޭނާ ކޯޓަށް އެއްބާރުލުން ނުދިނުމުގެ ސަބަބުން ކަމަށެވެ.
އެހެންކަމުން ރޭގެ އަޑުއެހުމުގައި ހައި ކޯޓުން ނިންމާފައިވަނީ އަރުޝަދުގެ ޕާސްޕޯޓު ހިފެހެއްޓުމަށާއި، ލިޔުމަކުން ހުއްދަ ލިބިގެން މެނުވީ މާލޭން ބޭރަށް ނުދިއުމަށް ޝަރުތުކުރާކަމަށެވެ.
ހަމައެއާއެކު މިދިޔަ 2021 ވަނަ އަހަރުގެ ފަހުކޮޅު މާލެ އާއި ހުޅުމާލޭގައި ހިންގި އޮޕަރޭޝަނެއްގައި އަތުލައިގަތް 119 ކިލޯގެ މަސްތުވާތަކެތި ރާއްޖެއަށް އެތެރެކުރުމުގައި އިސްކޮށް ހަރަކާތްތެރިވި އެކަކީވެސް އަރުޝަދު ކަމަށް ފުލުހުން ތުހުމަތުކުރެ އެވެ. އަދި މާލެއަށް މަސްތުވާތަކެތި އެތެރެކުރުމަށްފަހު އަރުޝަދު ވަނީ ޑިސެމްބަރުމަހު ރާއްޖެއިން ބޭރަށް ފުރައިގެން ގޮސްފައި ކަމަށް ފުލުހުން ވަނީ ބުނެފައެވެ. އެފަހުން އަރުޝަދު ދިރިއުޅެމުން ގެންދިޔައީ ރާއްޖެއިން ބޭރުގައެވެ.
ކިޔުންތެރިންގެ ހިޔާލު