ރާއްޖޭގެ ޚާއްޞަ އިޤްތިސޯދީ ސަރަހައްދަށް ގަވާޢިދާ ޚިލާފަށް ވަދެ އުޅުނު ބޭރުގެ މަސްބޯޓެއް ކޯސްޓްގާޑުގެ ބެލުމުގެ ދަށަށް ގެނެސްފިއެވެ.

އެމްއެންޑީއެފުން ބުނީ، ރާއްޖޭގެ ޚާއްޞަ އިޤްތިސޯދީ ސަރަހައްދުގައި ޤަވާއިދާ ހިލާފަށް މަސްވެރިކަން ކުރަމުންދިޔަ ބޭރުގެ މަސް ބޯޓެއް މިމަހުގެ 3 ވަނަ ދުވަހު، އެމްއެންޑީއެފް ސެންޓްރަލް އޭރިއާ ކޯސްޓްގާޑް ސްކޮޑްރަންގެ ފާސްޓް އިންޓެސެޕްޓް ކްރާފްޓް "މާފަތް" ގެ އެހީތެރިކަމާއެކު އެމްއެންޑީއެފް ކޯސްޓްގާޑުގެ ބެލުމުގެ ދަށަށް ގެނެސްފައިވާ ކަމަށެވެ.

މި ބޯޓު ފެނިގެން ރިޕޯޓްކޮށްފައި ވަނީ އެސަހައްދުގައި މަސްވެރިކަންކުރަމުން ދިޔަ "އަސަރީ" އަދި ''އަސުރުމާ 02'' ދޯނިން. މި މައްސަލަ ރިޕޯޓްކުރި ފަރާތްތަކަށާއި އަދި މިފަދަ ކަންކަމުގައި ދިވެހި މަސްވެރިން ދެއްވާ އެއްބާރުލުމާ އެހީތެރިކަން ފާހަގަކޮށް މި ފުރުޞަތުގައި ޝުކުރު ދަންނަވަން. pic.twitter.com/iAEPhGlgld

— Maldives National Defence Force (@MNDF_Official) July 4, 2020

6 މީހުންނާއެކު މ. އަތޮޅުގެ އިރުމަތީ ފަރާތުން 37 ނޯޓިކަލް މޭލު ބޭރުގައި މި ބޯޓު މަސްވެރިކަން ކުރަމުންދާކަމުގެ މަޢުލޫމާތު އެމްއެންޑީއެފް ކޯސްޓްގާޑަށް ރިޕޯޓް ކޮށްފައިވަނީ އެސަހައްދުގައި މަސްވެރިކަންކުރަމުން ދިޔަ "އަސަރީ" އަދި ''އަސުރުމާ 02'' ދޯނިން ކަމަށާއި، އެ ބޯޓު ރާއްޖޭގެ އިޤްތިސޯދީ ކަނޑުގެ ސަރަހައްދުގައި މަސްވެރިކަން ކުރަމުންދިޔަ މައްސަލަ، ސަރުކާރުގެ ކަމާ ގުޅުންހުރި އިދާރާތަކާ ގުޅިގެން ތަޙްޤީޤުކުރަމުން އަންނަކަމަށެވެ.

އެމްއެންޑީއެފުން ބުނީ އެބޯޓް ކޯސްޓް ގާޑްގެ ބެލުމުގެ ދަށުން މިއަދު 14:00 ގައި މާލެ ގެނަސް ފުލުހުންނާ ޙަވާލުކޮށްފައިވާ ކަމަށެވެ.