އަހަރެމެންގެ ނިދާ ކޮޓަރިއަށް ބޭނުންވާ އެންމެ ރަނގަޅު ސާމާނު އަންނަނީ ބަދިގެއިންނެވެ. ކާނާއިންނާއި ދެމަފިރިކަމުގެ ގުޅުމުން ހިތައްވެރިވަނީ ވަރަށް ނާޒުކު އިހްސާސްތަކެކެވެ. އެހެންކަމުން ތިރީގައި މިވަނީ އެއްދާން ކުރުމުގެ ކުރިން ކެއުން އެންމެ ރަނގަޅު އަދި ރަނގަޅުނޫން ބާވަތްތަކެވެ.

ބަދިގެއިން ނިދާ ކޮޓަރިއަށް ވަނުމުގެ ކުރިން ކެއުމަށް އެންމެ ރަނގަޅު ބާވަތްތައް

ކަރާ.

ދެމަފިރިންގެ އެނދުމަތީގެ ގުޅުންތަކަށް އުފާވެރިކަމާއި ހިތްހަމަޖެހުން ގެނަސްދޭ މުހިންމު އެއް ބާވަތަކީ ކަރައެވެ. މިއީ އެއުފާވެރި ވަގުތަށް ތައްޔާރު ވުމުގެ ގޮތުން ކާލަން ވަރަށް ރަނގަޅު މޭވާއެކެވެ. ކަރާގައި އެކުލެވިގެންވާ ބައެއްކަމަށްވާ އެލް-ސިޓްރުލައިން އަކީ މިވަގުތު ކޮޅުގެ އުފާވެރިކަން އިތުރުކޮށްދީ ގިނަ ވަގުތު ހޭދަކުރުމަށް ހިތްވަރު ލިބޭ މިކަމުގައި ވަރަށް ބޮޑު ރޯލެއް އަދާކޮށްދޭ ބާވަތެކެވެ. ދިރާސާތަކުން ދައްކާ ގޮތުގައި މިމާއްދާ އެކުލެވޭ ބާވަތްތައް ބޭނުން ކުރުމުން އެ މުހިންމު ވަގުތުކޮޅުގެ ފޯރި އިތުރަށް ގަދަވެގެންދާ ކަމަށް ދިރާސާތަކުން ދައްކައެވެ. ނަމަވެސް އެ ޖޯޝު އުފައްދަން ކާންޖެހެނީ ކިހާ ކަރައެއް ކަމެއް އަދި ހޯދިފައެއް ނެތެވެ. ކަރައަކީ ވިއަގްރާ ފަދަ ބޭހެއް ބޭނުން ނުކޮށް މައްސަލައަށް ހައްލު ހޯދަން ބޭނުންވާ މީހުންނަށް ވަރަށް ފައިދާ ކުރުވަނިވި ބާވަތެކެވެ. ތަހުލީލު ތަކުން ދައްކަނީ މިއީ ބަދިގެއިން ކޮޓަރިއަށް ވަނުމުގެ ކުރިން ބޭނުން ކުރަން ހަމަ ވަރަށް މުޖައްރިބު ބާވަތެއްގެ ގޮތުގައެވެ.



އޯބަތް

އޯބަތަކީ އޭޝިއާގެ ގިނަގައުމުތަކުގައި ޒަމާނުއްސުރެ ކާބޯތަކެތި ތައްޔާރު ކުރަން ބޭނުންކުރާ ބާވަތެކެވެ. ދުނިޔޭގެ އެކިކަންކޮޅުތަކުގައި ފިރިހެނުންނަށް ޚާއްޞަ ބޭސް އުފެއްދުމަށް އޯބަތް ބޭނުންކުރެއެވެ. އޯބަތަކީ ހޯމޯން އެއްވަރަށް ބެހެއްޓުމަށް ބޭނުން ކުރެވިދާނެވެސް ބާވަތެކެވެ. އޯބަތް ބޭނުން ކުރުމުން ދެމަފިރިކަމުގެ އުފާވެރި ގުޅުންތައް ނިމިގެންދާނީ ވަރަށް ހިތްގައިމުކަމާއި އެކުގައި ކަމަށް ދިރާސާތަކުން ދައްކައެވެ.

ޕިސްތާބަދަން

ޕިސްތާބަދަނަކީ ވެސް ފިރިހެނުންނަށް އުފާވެރިކަ ގެނެސްދޭ ވަރަށް ފައިދާ ކުރުވަނިވި ބާވަތެކެވެ. މި ބާވަތުގެ ބަދަނީ ބާރުގަދަކޮށްދީ ދެމަފިރީންގެ ގުޅުން އިތުރަށް ފުރިހަމަ ކޮށްދޭ އަދި މަސައްކަތުގެ ވަގުތު އިތުރުކޮށްދޭ ބާވަތެއް ކަމަށް އެކި ހޯދުންތަކުން ވަނީ ސާބިތުވެފައެވެ.

މާކާ

މާކާއަކީ ޕެރޫގައި އުފައްދާ ގަހެކެވެ. މާކާއަކީ ދަރިންލިބުމަށް އުނދަގޫ ފިރިހެނުން ބޭނުންކުރަން ވަރަށް ރަނގަޅު އެއްޗެއް ކަމަށް ހޯދުންތަކުން ދައްކައެވެ.

ކެރެޓް

ކެރޮޓިނޮއިޑްސް، މި މާއްދާ އެކުލެވިގެންވާ ތަރުކާރިއާއި މޭވާ ބޭނުން ކުރުމަކީ ދެމަފިރީންގެ އުފާވެރި ވަގުތުކޮޅުގެ ގުޅުން އިތުރަށް ފުރިހަމަ ކޮށްދޭ ކަމެކެވެ. ކޮޓަރިއަށް ވަނުމުގެ ކުރުން މި މާއްދާ ހުންނަ މޭވާ ބޭނުން ކުރާށެވެ. ބާރު ގަދަވާ ކަމަށް ދިރާސާތަކުން ދައްކައެވެ. މިމާއްދާ އެންމެ ގިނައީ ކެރެޓުގައެވެ.



ކޮޓަރިއަށް ވަންނައިރު ކެއުން ރަނގަޅުނޫން ބާވަތްތައް

ބީންސް

ބީންސަކީ ސިއްހަތަށް ރަނގަޅު މާއްދާތައް އެކުލެވިގެންވާ ބާވަތެކެވެ. ނަމަވެސް ބީންސްގައި ހިމެނޭ އޮލިގޯސެކަރައިޑް އަކީ ބަނޑުގައި ގޭސް އުފައްދާ ބާވަތެކެވެ. އެހެންވީމާ ކޮޓަރިއަށް ވަންނަ އިހުތިޔާރު ކުރާނަމަ ބީންސް ނުކާށެވެ. ބީންސް ކައިގެން އެނދުމައްޗަށް އެރުން އެހާ ބުއްދިވެރިއެއް ނޫނެވެ. ބީންސް ކައިގެން އެނދުމައްޗަށް އެރީމާ ވައިގެ އުނދަގޫ ވަރަށް ބޮޑުވާނެއެވެ. ވައި ބޭރުވާން ފެށުމުން ޝައުގުވެރިކަން ގެއްލި މާއަވަހަށް މަސައްކަތުން ފޫހިވާގޮތް ވަނީއެވެ.

ފިޔާ

ދެމަފިރިން ކައިގެން ކޮޓަރިއަށް ވަންނަން ޚިޔާރު ކުރާނަމަ ފިޔާ ކެއުމަކީ އެހާ ރަނގަޅުކަމެއް ނޫނެވެ. ފިޔާ ކެއުމުން އަނގައިގައި ދުވާ ގަދަ ޒީލަ ވަހުގެ ސަބަބުން ޝައުގުވެރިކަން ކުޑަވެ އެނދުމައްޗަށް ފޫހިވާގޮތް ވަނީއެވެ. ފިޔާ އެއީ ކިތަންމެހާވެސް ރަނގަޅު ބާވަތެކެވެ. ނަމަވެސް ދެ މީހުން ކައިރިވާއިރު އަނގައިން ފިޔާ ވަސް ދުވުމުން ފޫހި ވެދާނެއެވެ.

މައިކްރޯވޭވް ޕޮޕްކޯން

މައިކްރޯވޭވް ޕޮޕްކޯނަކީ ދެމަފިރިން ކޮޓަރިއަށް ވަންނަން ވިސްނާކަމުގައި ވަނީނަމަ ކެއުން އެހާ ރަނގަޅުއެއްޗެއް ނޫނެވެ. ޕޮޕްކޯރން ބަންދުކޮށްފައި ހުންނަ ކޮތަޅު ހަދަން ބޭނުން ކުރާކެމިކަލް ތަކަކީ ފިރިހެނުންގެ ދެމަފިރިކަމުގެ ގުޅުމަށް ހިތްކިޔާ ބައި ދައްކޮށްލާ އެއްޗެކެވެ.

ދެމަފިރި ކަމުގެ ވަރުގަދަ ގުޅުންތައް ފެށެނީ ކޮޓަރިންނެވެ. ޒަވާޖީ ހަޔާތެއް ގިނަ ދުވަހަށް ދެމިގެންދިއުން ބިނާ ވެފައި އިންނަ އެންމެ މުހިންމު ކަމަކީ ކޮޓަރި ތެރެއިން ލިބޭ އުފާވެރިކަން ރަނގަޅު ވުމެވެ. މި އުފާވެރިކަން ގެނައުމަށް މަސައްކަތް ކުރުމަކީ ވަރަށް މުހިންމު ކަމެކެވެ. ގިނަ މީހުން އެއްބަސްވާ ގޮތުގައި އެއީ ޒަވާޖީ ހަޔާތެއް އޮމާންކޮށް ދެމިގެން ދިއުމުގެ ކާމިޔާބުގެ 75 އިންސައްތަ އެވެ. މި ބައި ރަނގަޅުކޮށް ގުޅުން ވަރުގަދަ ކުރުމަށް ބޭނުންވަނީ ވިއާގްރާ އެކަންޏެއްނޫނެވެ. ވިއާގްރާއަކީ ގިނަ މީހުންނަށް ވަރަށް ނުރައްކާ ބޭހެކެވެ. ބޭހަށް ވުރެ ހަަމަ އެންމެ ރަނގަޅީ ގުދުރަތީ ބާވަތްތަކުން ލިބޭ ފަރުވާއެވެ.


ކިޔުންތެރިންގެ ހިޔާލު


4

ހަސަނު

17-Jul-2020

ކޮންމެ ވީކަކު މިފަދަ ރިޕޯޓެއް ގެނެސް ދޭނަމަ ސަޅި


21

ޖައުފަރު

17-Jul-2020

ވަރަށް ސަޅި މައުލޫމާތު ކޮޅެއް މިފަދަ މައުލޫމާތު ތަންކޮޅެއް ގިނައިން ގެނެސްދޭނަމަ ވަރަށް ރަނގަޅުވާނެ ބޭރު ނޫސްތަކުގަ އާންމު ގޮތަކަށް މިފަދަ މައުލޫމާތު ގެނެސްދޭ އަދި ކިރިޔާ ދިވެހި ނޫސްތަކުން އެތަހުޒީބު މި ފެންނަން ފެށީ ޝުކުރިއްޔާ ރަސް އޮންލައިން



ޓްރެންޑިން