ޗައިނާ އީސްޓަން އެއާލައިންސްގެ ރާއްޖޭގެ ސޭލްސް އެޖެންޓަކަށް ވިލާ ޓްރެވަލްްސް ހަމަޖައްސައިފިއެވެ.

ޗައިނާ އީސްޓަން އެއާލައިނުގެ ޖެނެރަލް ސޭލްސް އޭޖެންޓަކަށް ވިލާ ޓްރެވަލް ހަމަޖައްސައި އެކަމުގެ އެއްބަސްވުމުގައި ސޮއިކޮށްފައިވަނީ މިކަމަށްޓަކައި އިއްޔެ ސިންގަޕޫރުގައި ބޭއްވި ރަސްމިއްޔާތެއްގައެވެ.

އެއްބަސްވުމުގައި ވިލާ ޓްރެވަލްސްގެ ފަރާތުން ސޮއިކުރެއްވީ ޖެނެރަލް މެނޭޖަރު ސޮފްވާން މަހުމޫދެވެ. އަދި ޗައިނާ އީސްޓަން އެއާލައިނުގެ ފަރާތުން ސޮއިކުރެއްވީ ސިންގަޕޫރު ބްރާންޗުގެ ޖެނެރަލް މެނޭޖަރު ވޭން ވޫ އެވެ.