ސިޓީ ތަކާ ލޯކަލް ގަވަންމަންޓާ ބެހޭ މިނިސްޓަރު އާދަމް ޝަރީފް ޗައިނާއަށް ކުރެއްވި ދަތުރަށް ސަރުކާރުން ހަރަދު ނުކުރާ ކަމަށް އޭނާ ވިދާޅުވެއްޖެ އެވެ.

އާދަމް ޝަރީފް އެކްސްގައި ވިދާޅުވީ އޭނާ ޗައިނާއަށް ދަތުރެއް ކުރެއްވީ އެ ގައުމުގެ ގްލޯބަލް ސިސްޓަމް ފޯ މޯބައިލް ކޮމިއުނިކޭޝަން (ޖީއެސްއެމްއޭ) ގެ ދައުވަތަކަށް ކަމަށެވެ.

އަދި އެ ދަތުރުގެ ޓިކެޓާއި ހުރުމާއި ދަތުރުތައް އަދި ކެއުން ފަދަ އެއްވެސް ކަމަކަށް ދައުލަތުން ހަރަދު ނުކުރާ ކަމަށް ވަޒީރު ވިދާޅުވި އެވެ.

"ޓެކްސް ދައްކާ މީހުންގެ ފައިސާ ޒިންމާދާރު ކުޑަގޮތަކަށް ޚަރަދެއް ނުކުރަން. ނުހިއްކާހުރި" އާދަމް ޝަރީފް ވިދާޅުވިއެވެ.

އެދަތުރުގައި ޓެކްނޮލޮޖީގެ އެހީގައި ރާއްޖޭގެ ޓެލެކޮމިއުނިކޭޝަން އާއި ލާމަރުކަޒީ ނިޒާމް އިތުރަށް ތަަރައްގީކުރުމާއި އެކަމުގައި އެހީތެރިވެވިދާނެ ގޮތްތަކާއި ބެހޭގޮތުން ޖީއެސްއެމްއޭ އާއި ޗައިނާގެ އެންމެ ވަރުގަދަ އެއް ކުންފުނި ވާވާއާއެކު މަޝްވަރާ ކުރެއްވި ކަަމަށް ވެސް މިނިސްޓަރު ވިދާޅުވި އެވެ.

ރާއްޖޭގެ އިގުތިސާދީ ހާލަތު ގޯސްވެފައިވާ އިރު ހަރަދުތައް ވަރަށް ބޮޑަށް ކުޑަކުރަން ސަރކާރުން ވަނީ ނިންމައިފަ އެވެ.