މި އަހަރުގެ ޢާޝޫރާ ދުވަހުގެ ރޯދަ ހިފުމަށް އިސްލާމިކް މިނިސްޓްރީން ހަނދާންކޮށްދީފިއެވެ.
އެ މިނިސްޓްރީން އެކްސްގައި ކުރި ޕޯސްޓެއްގައި ބުނީ، މި އަހަރުގެ ޢާޝޫރާ ދުވަހަކީ މި މަހުގެ 16ވާ އަންގާރަ ދުވަސް ކަމަށެވެ. އަދި ޢާޝޫރާ ދުވަހުގެ ރޯދަ ހިފުމުގެ އެންމެ ފުރިހަމަ ގޮތަކީ ޢާޝޫރާ ދުވަހުގެ ކުރީ ދުވަހާއެކު ރޯދަ ހިފުން، ނުވަތަ އާޝޫރާ ދުވަހާއި ޖެހިގެން އަންނަ ދުވަހު ވެސް ރޯދަ ހިފުން ކަމަށް އިބްނުލް ގައްޔިމް ވިދާޅުވެފައިވާ ކަމަށް މިނިސްޓްރީން ބުންޏެވެ.
ޢާޝޫރާ ދުވަހަކީ މުޙައްރަމް މަހުގެ 10 ވަނަ ދުވަހެވެ. އެ ދުވަހު ރޯދަ ހިފުމަކީ ސުންނަތްވެގެންވާ ކަމެއް ކަމަށް އިސްލާމިކް މިނިސްޓްރީން ބުންޏެވެ.
މިިދިޔަ ހުކުރު ދުވަހުގެ ޚުޠުބާވެސް ހާއްސަ ކޮށްފައި ވަނީ ޢާޝޫރާ ދުވަހުގެ މާތްކަމުގެ މައްޗަށެވެ.
މިިދިހަ ހުކުރު ދުވަހުގެ ހުތުބާގައި ބުނީ މުޙައްރަމް މަހުގެ ދިހަވަނަ ދުވަހަކީ، ނުވަތަ ޢާޝޫރާ ދުވަހަކީ، ހެޔޮކަމާއި، ޒިކުރާތަކާއި، ފިލާވަޅުތަކުން ފުރިގެންވާ ދުވަހެއް ކަމަށެވެ. އެގޮތުން. ޢާޝޫރާ ދުވަހަކީ، ފިރުޢައުނުގެ ކިބައިން މޫސާގެފާނު ސަލާމަތްކުރައްވައި، ފިރުޢައުނާއި، އޭނާގެ ލަޝްކަރު ޣަރަޤުކުރެއްވި ދުވަސްކަން ވެސް ހަނދާންކޮށްދީފައި ވެއެވެ.
ހުތުބާގައި ބުނީ އެފަދަ ހާދިސާތަކުގައި، ގިނަގުނަ ޢިބުރަތްތަކާއި ދަރުސްތައް ވާކަމަށެވެ. މީގެ އެންމެ މުހިންމު ފިލާވަޅަކީ، މާތް ﷲ އެކަލާނގެއަށް އީމާންވާ މީސްތަކުންނާއި، އެކަލާނގެ ނަބިއްޔުންނާއި ރަސޫލުން، ބޮޑެތި މުޞީބާތްތަކުން ސަލާމަތްކުރައްވާ ގޮތް އެނގި، އީމާންކަން ހަރުދަނާކުރުމަށް މަސައްކަތްކުރުމުގެ ފިލާވަޅު ކަމަށް ވެސް ބުނެފައި ވެއެވެ.
"ފިރުޢައުނު ޣަރަގުކުރެއްވި ހާދިސާއިން އެނގެނީ، މާތް الله އަށް ކާފިރުވެ، ދުނިޔެ ފަސާދަކުރަން އުޅޭ މީހުންނަށް، ގަދަފަދަ އަޒާބުން ޢަޒާބުދެއްވައި، ނެތިކުރައްވާނެކަމެވެ. އެ މީހުންނަށް އެ ކަމުގައި ކާމިޔާބު ނުލިބޭނެކަމެވެ. އަދި އަހަރެމެން ފަސާދަޔާ ދެކޮޅަށް ތެދުވާން ޖެހޭނެކަމެވެ. ހަމައެހެންމެ، މާތް ﷲއަށް އީމާންވާ މީހުންނަށް ދުނިޔޭގައި ވެސް އިއްޒަތާއި، ޝަރަފާއި، ގަދަރު ދެއްވާނެކަމެވެ." ހުތުބާގައި ބުނެފައި ވެއެވެ.
ހުތުބާގައި ބުނީ މުޙައްރަމް މަހަކީ، މާތް ﷲ ހުރުމަތްތެރި ކުރައްވާފައިވާ މަހެއްކަމަށެވެ. ރަމަޟާން މަހަށްފަހު ރޯދަ ހިފުން އެންމެ އިތުރުވެގެންވާ މަހަކީ މުހައްރަމު މަސް ކަމަށް ވެސް ޚުތުބާގައި ބުނެފައި ވެއެވެ.
ޢާޝޫރާ ދުވަހުގެ ރޯދަ ހިފުމަކީ ސުންނަތް ވެގެންވާ ކަމެއް. pic.twitter.com/EW6YFOW4L8
— Ministry of Islamic Affairs (@MVIaffairs) July 14, 2024
ޢާޝޫރާ ދުވަހަކީ މުޙައްރަމް މަހުގެ 10 ވަނަ ދުވަހެވެ. އެ ދުވަހު ރޯދަ ހިފުމަކީ ސުންނަތްވެގެންވާ ކަމެއް ކަމަށް އިސްލާމިކް މިނިސްޓްރީން ބުންޏެވެ.
މިިދިހަ ހުކުރު ދުވަހުގެ ހުތުބާގައި ބުނީ މުޙައްރަމް މަހުގެ ދިހަވަނަ ދުވަހަކީ، ނުވަތަ ޢާޝޫރާ ދުވަހަކީ، ހެޔޮކަމާއި، ޒިކުރާތަކާއި، ފިލާވަޅުތަކުން ފުރިގެންވާ ދުވަހެއް ކަމަށެވެ. އެގޮތުން. ޢާޝޫރާ ދުވަހަކީ، ފިރުޢައުނުގެ ކިބައިން މޫސާގެފާނު ސަލާމަތްކުރައްވައި، ފިރުޢައުނާއި، އޭނާގެ ލަޝްކަރު ޣަރަޤުކުރެއްވި ދުވަސްކަން ވެސް ހަނދާންކޮށްދީފައި ވެއެވެ.
ހުތުބާގައި ބުނީ އެފަދަ ހާދިސާތަކުގައި، ގިނަގުނަ ޢިބުރަތްތަކާއި ދަރުސްތައް ވާކަމަށެވެ. މީގެ އެންމެ މުހިންމު ފިލާވަޅަކީ، މާތް ﷲ އެކަލާނގެއަށް އީމާންވާ މީސްތަކުންނާއި، އެކަލާނގެ ނަބިއްޔުންނާއި ރަސޫލުން، ބޮޑެތި މުޞީބާތްތަކުން ސަލާމަތްކުރައްވާ ގޮތް އެނގި، އީމާންކަން ހަރުދަނާކުރުމަށް މަސައްކަތްކުރުމުގެ ފިލާވަޅު ކަމަށް ވެސް ބުނެފައި ވެއެވެ.
ހުތުބާގައި ބުނީ މުޙައްރަމް މަހަކީ، މާތް ﷲ ހުރުމަތްތެރި ކުރައްވާފައިވާ މަހެއްކަމަށެވެ. ރަމަޟާން މަހަށްފަހު ރޯދަ ހިފުން އެންމެ އިތުރުވެގެންވާ މަހަކީ މުހައްރަމު މަސް ކަމަށް ވެސް ޚުތުބާގައި ބުނެފައި ވެއެވެ.
ކިޔުންތެރިންގެ ހިޔާލު