އަރިދަފުސް ރޯގާ އަކީ ބައެއް މީހުންނަށް ވަރަށް ގިނައިން ކުރިމަތިވާ، ވަރަށް އާންމު ސިއްހީ މައްސަލައެކެވެ. ހާއްސަ ގޮތެއްގައި ސައިނެސް މައްސަލަތައް ހުންނަ މީހުންނަށް އަރިދަފުސް ރޯގާގެ އުނދަގޫ ވަރަށް ބޮޑެވެ. ހިކި ކެއްސުމަކުން ކެއްސުމާއި، ހުއްޓުމެއް ނެތި ކިނބިހި އެޅުމަކީ މި ރޯގާ ޖެހިފައިވާ މީހުންނަށް ކުރިމަތިވާ ބައެއް ކަންކަމެވެ.

އަރިދަފުސް ރޯގާ އަކީ ސިއްހީ މައްސަލައަކަށް ވީނަމަވެސް މި ބައްޔަކީ އެއަށް ސީދާ ފަރުވާއެއް އޮތް ބައްޔެއް ނޫނެވެ. ނަމަވެސް މި ބަލީގެ ސަބަބުން ކުރިމަތިވާ އަލާމަތްތަކަށް އަޅުގަނޑުމެންނަށް ފަރުވާ ހޯދިދާނެއެވެ. އެގޮތުން މި ހިއްސާކޮށްލަނީ އަރިދަފުސް ރޯގާއިން ފަރުވާ ހޯދުމަށް ގޭގައި ކުރެވިދާނެ ބައެއް ކަންކަމެވެ.

އާވި އެރުވުން:



އާވި އެރުވުމަކީ އަރިދަފުސް ރޯގާއިން ސަލާމަތްވުމަށް ޒަމާނުއްސުރެ މީހުން ކުރަމުން އަންނަ ކަމެކެވެ. އާވި އެރުވުމުން މީހާގެ އަރުތެރޭގައި ހުންނަ އަރިދަފުސް ބޭރުވުމަށް އެހީވެދެއެވެ. އަދި އޭގެ ސަބަބުން ނޭވާ ހޮޅި ސާފުވެ ނޭވާލާން ފަސޭހަވެގެން ދެއެވެ.

ލުނބޮޔާއި މާމުއި ބޭނުން ކުރުން:

ލުނބޯ އަދި މާމުއިއަކީ އަރިދަފުސް ރޯގާ ޖެހުމުން އަޅުގަނޑުމެންގެެ ތެރޭގައި ވަރަށް ގިނަ މީހުން އެއިން ފަރުވާ ހޯދުމަށް ބޭނުން ކުރާ ދެ ބާވަތެވެ. މި ބޭނުން ކުރުމުން ކަރުތެރެ ސާފުވެ، އޭގެ ސަބަބުން ކަރު ހިރުވުން ރަނގަޅު ކޮށްދީ، އަދި ކެއްސުން ރަނގަޅު ކުރުމަށްވެސް އެހީވެއެވެ. އަދި ހަމަ އެހެންމެ މާމުޔަކީ އެންޓި މައިކްރޯބިއަލް ޕްރޮޕަޓީތަކެއް އެކުލެވޭ އެއްޗަކަށް ވުމުން އިންފެކްޝަން ތަކުން މީހާ ރައްކާތެރި ކުރުމަށްވެސް އެހީވެދޭ އެއްޗެކެވެ.

އިނގުރު ސައި ބުއިން:

އިނގުރު ސަޔަކީވެސް ވަރަށް ގިނަ މީހުން އަރިދަފުސް ރޯގާއިން ފަރުވާ ހޯދުމަށް ބޭނުން ކުރާ ސައެކެވެ. އިނގުރަކީ އޭގައި އެންޓި ހިސްޓަމައިން ޕްރޮޕަޓީތައް އެކުލެވިގެންވާ އެއްޗަކަށްވުމުން އިނގުރުސައިގެ ސަބަބުން އަރުތެރެ ހިރުވުމާއި، އަރިދަފުސް ސާފުކުރުމަށް އެހީވެދެއެވެ.

އަރާމު ކުރުން:



އަރިދަފުސް ރޯގާ، އަދި އެހެނިހެން ބަލިތަކަށްވެސް ފަރުވާ ހޯދުމަށް ކުރެވޭނެ އެންމެ މުހިންމު އެއް ކަމަކީ އަރާމު ކުރުމެވެ. ހަށިގަނޑުގެ ގުނަވަންތަކަށް އަރާމު ކުރާނެ ވަގުތު ދިނުމުގެ ސަބަބުންް ހަށިގަނޑުގެ ގުނަވަންތަކުގެ މަސައްކަތްތައް އިތުރަށް ފުރިހަމަވެ، ހަރުދަނާވެއެވެ. އަދި އޭގެ ސަބަބުން ހަށިގަނޑުގެ ދިފާއީ ނިޒާމު ވަރުގަދަ ވެގެންވެސް ދެއެވެ.