މި އަހަރުގެ މިޑްޓާމް ސްކޫލް ބަންދުގައި, ސެޕްޓެމްބަރ މަހުގެ 26 ވަނަ ދުވަހުން ފެށިގެން އޮކްޓޯބަރ މަހުގެ 5 ވަނަ ދުވަހާ ހަމައަށް މާލެ ސިޓީގެ އުސްފަސްގަނޑުގައި ޗާލާބާޒާރު ނައިޓްމާކެޓް ބޭއްވުމަށް އެސެޓްކޯ މޯލްޑިވްސްއިން ނިންމާފިއެވެ.

އެކުންފުނިން ބުނާގޮތުގައި މި ނައިޓްމާކެޓުގައި ބައިވެރިވެވޭނީ ދިވެހި ވިޔަފާރިވެރިންނަށެވެ. އަދި ދިވެހި ވިޔާފާރިވެރިންގެ ނުވިކި ހުރި މުދާ ކުޑަ އަގެއްގައި ކަސްޓަމަރުންނަށް އެއްތާކުން ވިއްކުމަށްޓަކައި ލިބޭނެ ވަރަށް ރަނަގަޅުފުރުސަތެއްކަމަށްވެސް އެސެޓްކޯގެ އިންޕޯޓްސް އެންޑް އިންޓާނަލް ޓްރޭޑިންގ ގެ ޑިރެކްޓަރ ސަބީން އަލީ ވިދާޅުވިއެވެ.

ދިހަ ދުވަހަށް ދިގު ދެމިގެން ދާ މިނައިޓްމާކެޓްގެ މޭޒުތަށް ވިޔަފާރިވެރިންނަށް ވިއްކަމުންދާމަކަމަށް ކުންފުނިން ވަނީ އަންގާފައެވެ. މިގޮތުން މޭޒުތަށް ބަހާލާފައިވަނީ ކާބޯތަކެތި ވިއްކުމަށާއި އާންމު މުދާ ވިއްކުމަށެވެ.

ނައިޓަމާކެޓްގެ މޭޒު ބައްލަވާ ގަންނަ ކޮންމެ ވިޔަފާރިވެރިއަކާއެކު އެގްރީމަންޓްވެސް ހެދިގެންދާނެކަމަށް ސަބީން ވިދާޅުވިއެވެ. އަދި މި އެގްރީމަންޓްގެ ސަބަބުން ވިޔަފާރިވެރިންނާއި, ވިޔަފާރިވެރިންގެ މުދަލާއި, ކުންފުންޏާއި ކަސްޓަމަރުންގެ ސަލާމަތާއި ރައްކާތެރިކަން ކަށަވަރުވެގެންދާނެކަމަށްވެސް ވިދާޅުވިއެވެ.

މި ނައިޓްމާކެޓް ހިންގުމަށްޓަކައި މާލެސިޓީ ކައުންސިލުން ވަނީ އެސެޓްކޯއަށް ހުއްދަދީފައެވެ.

މޭޒު ބައްލަވާގަތުމަށް 9991968 ނުވަތަ 9744014 އަށް ވައިބަރ ކޮށްލާގެން ކުރިއަށް ގެންދިއުމަށް އެސެޓްކޯއިން އެދިލައްވައެވެ.