ބޮލީވުޑުގެ މަޝްހޫރު ތަރި އަރުޖުން ރާމްޕާލްގެ އެކްސް އެކައުންޓު ހެކުވެއްޖެ ކަމަށް މީޑިއާތަކުން ރިޕޯޓު ކޮށްފިއެވެ.

ޕިންކްވިލާއިން ރިޕޯޓްކޮށްފައިވާ ގޮތުގައި އަރުޖުން ރަމްޕާލްގެ އެކްސް އެކައުންޓު ހެކް ވެފައިވާ ކަމުގެ މައުލޫމާތު އިއްޔެގެ ވަގުތެއްގައި ވަނީ އޭނާގެ އޮފިޝަލް އިންސްޓަގްރާމު އެކައުންޓުގައި ވަނީ ހިއްސާކޮށްފައެވެ. އަދި މިވާހަކަ ހިއްސާކުރަމުން އޭނާވަނީ އޭނާގެ އެކްސް އެކައުންޓުން ކުރާ މެސެޖުތަކަށާއި ޓޫވީޓުތަކަށް ރިޕްލައި ނުކުރުމަށް ފޭނުންނަށް އިލްތިމާސް ކޮށްފައެވެ.

ޕިންކްވިލާގެ ރިޕޯޓުގައި އިތުރަށް ބުނެފައިވަނީ ދާދި ފަހުން ބޮލީވުޑުގެ ނަން މަޝްހޫރު "ސްކްރީންރައިޓަރެއް" ކަމަށްވާ ޖާވިދު އަޚްތަރުގެ އެކްސް އެކައުންޓުވެސް ހެކު ވެފައިވާ ކަމަށެވެ. އެ އެކައުންޓު ހެކު ކުރި ފަރާތުން ވަނީ އިންޑިއާގެ އޮލިމްޕިކް ޓީމާ ބެހޭ ގޮތުން ޓުވީޓެއްވެސް ކޮށްފައި ކަމަށްވެސް ބުނެފައިވެއެވެ. އަދި މިކަމާގުޅިގެން ޖާވިދު ކަމާ ބެހޭ ފަރާތްތަކަށް ޝަކުވާ ހުށަހަޅާފައިވާ އެޅުމުން މިހާރު އެ ޓުވީޓު އޭނާގެ އެކައުންޓުގައި ފެންނަން ނެތް ކަމަށްވެސް މި ރިޕޯޓުގައި ވަނީ ބުނެފައެވެ.

އަރުޖުން ރާމްޕާލް އަކީ ބޮލީވުޑުގެ އެތައް ބައެއްގެ ލޯތްބާއި ސަޕޯޓު ލިބިފައިވާ މަޝްހޫރު ބަތަލެކެވެ. އޭނާ އެންމެ ފަހުން ފެނިފައިވަނީ ޑައިރެކްޓަރ އަދިތިޔާ ދަތުގެ "ކްރެކް" އިންނެވެ. އަރުޖުންގެ އިތުރުން މި ފިލްމުގެ މުހިންމު ރޯލުތަކުން ވިދްޔުތު ޖަމްވަލް އާއި، ނޯރާ ފަތޭހީ އަދި އެމީ ޖެކްސަން ފެނިގެންގޮސްފައި ވެއެވެ.