ނިދީގައި ގުގުރިދެމުމަކީ ވަރަށް ގިނަ މީހުންނަށް ދިމާވާ ކަމަކަށްވާއިރު މިކަމުގެ ސަބަބުން އެތަކެއް އުނދަގޫތަކަކާ ކުރިމަތިލާން ޖެހޭ ފަހަރުވެސް އާދެއެވެ. އެގޮތުން ނިދީގައި މާ ގިނައިން ގުގުރިދަމާނަމަ ތިބާގެ ބައިވެރިޔާއަށް އެކަމުގެ ސަބަބުން އުނދަގޫތަކެއް ކުރިމަތިވެ، އޭނާގެ ނިންޖަށް ބަދަލުތަކެއް އައިސް، ދެމީހުންގެ ދެމެދުގައި މައްސަލަތައް ޖެހުމަކީވެސް އެކަށީގެންވާ ކަމެކެވެ.
މިމައްސަލަ އަކީ ވަރަށް ގިނަ ބަޔަކަށް ކުރިމަތިވާ ކަމަކަށްވީނަމަވެސް މިކަން އެންމެ ބޮޑަށް ދިމާވަނީ މެދު ނުވަތަ ދޮށީ އުމުރުގެ ފިރިހެނުންނަށާއި، މެނޮޕޯސް ނިމިފައިވާ އަންހެނުންނަށާއި، އަދި މާ ބޮޑަށް ބަރުދަން ބަރު މީހުންނަށް ކަމަށް ދިރާސާތަކުން ދައްކައެވެ. ވީމާ ގުގުރި ދެމެން ދިމާވާ ސަބަބާއި އަދި ގުގުރި ދެމޭނަމަ ކަންތައް ކުރަންވީ ގޮތުގެ މައުލޫމާތު ކޮންމެ މީހަކަށްވެސް އެނގުމަކީ ވަރަށް މުހިންމު ކަމެކެވެ. އެހެންކަމުން ތިރީގައި މި ހިމަނާލަނީ ގުގުރި ދެމުމާ ބެހޭ ގޮތުން ކޮންމެހެން އެނގެން ޖެހޭ 3 ކަމެކެވެ.
ކަރުތެރޭގައި ހުންނަ ޓިޝޫތައް ވައިބުރޭޓްވުން:
މިމައްސަލަ ދިމާވަނީ ކަރުގެ ފަހަތުގައި ވާ ޓިޝޫތައް ވައިބްރޭޓު ވުމުގެ ސަބަބުންނެވެ. ނިންޖާ ގުޅުން ހުރި ބޭސްފަރުވާއަށް ހާއްސަ ޑޮކްޓަރު އަދި ނިއުރޮލޮޖިސްޓެއް ކަމަށްވާ ވާޖިނިއާ ސްކީބާ ބުނެފައިވަނީ މި ބައްޔަކީ ނުވަތަ މި މައްސަލަ އަކީ ކަރުގެ އެންމެ އެތެރޭގައި ހުންނަ ޓިޝޫތައް ވައިބްރޭޓު ވުމުގެ ސަބަބުން ދިމާވާ ކަމެއް ކަމަށާއި، އަނގައިގެ ތެރެއަށް ވައި ދިއުމުން އެކަމުގެ ސަބަބުން މި ޓިޝޫތައް ވައިބްރޭޓުވެ ގުގުރި ދެމުމަށް މެދުވެރިވަނީ ކަމަށެވެ. އަދި މިމައްސަލަ އެންމެ ބޮޑަށް ދިމާވަނީ ކަރުގައި ތަންކޮޅެއް ގިނައިން ޓިޝޫ ހުންނަ މީހުންނަށް ކަމަށާއި، މިއީ ބައެއް ފަހަރު "އޮބްސްޓްރަކްޓިވް ސްލީޕް އެޕްނިއާ" ހުންނަ ކަމުގެ އަލާމާތެއް ކަމަށްވެސް ވާޖިނިއާ ވަނީ ބުނެފައެވެ.
ސިއްހީ މައްސަލަތައް ކުރިމަތިކުރުވާ ކަމެއް ނޫން:
ގުގުރިއަކީ އޭގެ ޒާތުގައި ސިއްހީ މައްސަލަތައް ކުރިމަތި ކުރުވާ ކަމެއް ނޫނެވެ. ޑޮކްޓަރު ވާޖިނިއާ ބުނެފައިވަނީ "ސްލީޕް އެޕްނިއާ" ފަދަ މައްސަލަ އެއް ނުހުންނަ މީހުން ގުގުރި ދެމިއަކަސް އެއީ ސިއްހީ މައްސަލައެއް ނޫން ކަމަށާއި، އެފަދަ މީހުންނަށް މިކަމުގެ ސަބަބުން ދިގުދެމިންގެންދާ މައްސަލަތަކާ ކުރިމަތިލާން ނުޖެހޭނެ ކަމަށެެވެ. އަދި ގުގުރި ދެމުމުގެ ސަބަބުން ހިތުގެ ބަލިފަދަ ބޮޑެތި ސިއްހީ މައްސަލަތައް ކުރިމަތިވަނީ "ސްލީޕް އެޕްނިއާ" ހުންނަ ފަރާތްތަކަށް ކަމަށްވެސް އޭނާ ވަނީ ބުނެފައެވެ.
ހަމައެކަނި ސްލީޕް އެޕްނިއާގެ ސަބަބުން މެދުވެރިވާ ކަމެއް ނޫން:
ވަރަށް ގިނަ މީހުންނަށް ހީވެފައިވާ ގޮތުގައި ގުގުރި ދެމުމަކީ "ސްލީޕް އެޕްނިއާގެ" ސަބަބުން މެދުވެރިވާ ކަމެކެވެ. ނަމަވެސް މިއީ ހަމައެކަނި ސްލީޕް އެޕްނިއާގެ ސަބަބުން ދިމާވާ ކަމެއް ނޫނެވެ. ސްލީޕް އެޕްނިއާ ނުހުންނަ މީހުންނަށްވެސް މިމައްސަލަ ކުރިމަތިވެއެވެ. ޑޮކްޓަރު ވާޖިނިއާ ބުނެފައިވާ ގޮތުގައި ނިދުމުގައި ގުގުރި ދެމޭ މީހުން ބެހިގެންވަނީ ދެބަޔަކަށެވެ. އެއީ ސްލީޕް އެޕްނިއާ ހުންނަ މީހުންނާއި ސްލީޕް އެޕްނިއާ ނުހުންނަ މީހުންނެވެ. އެގޮތުން ޑޮކްޓަރު ވާޖިނިއާ ބުނެފައިވަނީ ގުގުރިދެމުމުގެ ސަބަބުން ސްލީޕް އެޕްނިއާ ހުންނަ މީހުންނަށް ނުރައްކާ ވެދާނެއެވެ. އެހެންކަމުން ޑޮކްޓަރެއްގެ އެހީ ހޯދުން މުހިއްމެވެ. ނަމަވެސް ސްލީޕް އެޕްނިއާ ނުހުންނަ މީހުންނަށް މިކަމުގެ ސަބަބުން މާ ބޮޑު ގެއްލުމެއް ނެތެވެ. އަދި އެމީހުންގެ ކައިރީގައި އުޅޭ އެހެން މީހުންނަށްވެސް ގެއްލުމެއް ނެތެވެ. ނަމަވެސް ގުގުރިދެމޭއިރު، އެ އަޑުގެ ސަބަބުން ކައިރީގައި އުޅޭމީހުންނަށް އުނދަގޫތަކެއްވުމަކީ އެކަށީގެންވާ ކަމެެއް ކަމަށް އޭނާ ބުނެފައިވެއެވެ.
މަސްދަރު: އޭއެމްއޭ ޖާނަލް/ އޭއެމްއޭ.ކޮމް
ކަރުތެރޭގައި ހުންނަ ޓިޝޫތައް ވައިބުރޭޓްވުން:
މިމައްސަލަ ދިމާވަނީ ކަރުގެ ފަހަތުގައި ވާ ޓިޝޫތައް ވައިބްރޭޓު ވުމުގެ ސަބަބުންނެވެ. ނިންޖާ ގުޅުން ހުރި ބޭސްފަރުވާއަށް ހާއްސަ ޑޮކްޓަރު އަދި ނިއުރޮލޮޖިސްޓެއް ކަމަށްވާ ވާޖިނިއާ ސްކީބާ ބުނެފައިވަނީ މި ބައްޔަކީ ނުވަތަ މި މައްސަލަ އަކީ ކަރުގެ އެންމެ އެތެރޭގައި ހުންނަ ޓިޝޫތައް ވައިބްރޭޓު ވުމުގެ ސަބަބުން ދިމާވާ ކަމެއް ކަމަށާއި، އަނގައިގެ ތެރެއަށް ވައި ދިއުމުން އެކަމުގެ ސަބަބުން މި ޓިޝޫތައް ވައިބްރޭޓުވެ ގުގުރި ދެމުމަށް މެދުވެރިވަނީ ކަމަށެވެ. އަދި މިމައްސަލަ އެންމެ ބޮޑަށް ދިމާވަނީ ކަރުގައި ތަންކޮޅެއް ގިނައިން ޓިޝޫ ހުންނަ މީހުންނަށް ކަމަށާއި، މިއީ ބައެއް ފަހަރު "އޮބްސްޓްރަކްޓިވް ސްލީޕް އެޕްނިއާ" ހުންނަ ކަމުގެ އަލާމާތެއް ކަމަށްވެސް ވާޖިނިއާ ވަނީ ބުނެފައެވެ.
ގުގުރިއަކީ އޭގެ ޒާތުގައި ސިއްހީ މައްސަލަތައް ކުރިމަތި ކުރުވާ ކަމެއް ނޫނެވެ. ޑޮކްޓަރު ވާޖިނިއާ ބުނެފައިވަނީ "ސްލީޕް އެޕްނިއާ" ފަދަ މައްސަލަ އެއް ނުހުންނަ މީހުން ގުގުރި ދެމިއަކަސް އެއީ ސިއްހީ މައްސަލައެއް ނޫން ކަމަށާއި، އެފަދަ މީހުންނަށް މިކަމުގެ ސަބަބުން ދިގުދެމިންގެންދާ މައްސަލަތަކާ ކުރިމަތިލާން ނުޖެހޭނެ ކަމަށެެވެ. އަދި ގުގުރި ދެމުމުގެ ސަބަބުން ހިތުގެ ބަލިފަދަ ބޮޑެތި ސިއްހީ މައްސަލަތައް ކުރިމަތިވަނީ "ސްލީޕް އެޕްނިއާ" ހުންނަ ފަރާތްތަކަށް ކަމަށްވެސް އޭނާ ވަނީ ބުނެފައެވެ.
ހަމައެކަނި ސްލީޕް އެޕްނިއާގެ ސަބަބުން މެދުވެރިވާ ކަމެއް ނޫން:
މަސްދަރު: އޭއެމްއޭ ޖާނަލް/ އޭއެމްއޭ.ކޮމް
ކިޔުންތެރިންގެ ހިޔާލު