އައިޖީއެމްއެޗްގެ ނަރުހެއްގެ މަސްތުވާތަކެތީގެ މައްސަލައެއް ފުލުހުން ތަހުގީގު ކުރަން ފަށައިފިއެވެ.

ރަސް އޮންލައިނަށް މަޢުލޫމާތު ދެއްވަމުން ފުލުހުންގެ މީޑިއާ އޮފިޝަލް މިއަދު ވިދާޅުވީ އައިޖީއެމްއެޗްގެ ނަރުހެއްގެ މަސްތުވާތަކެތީގެ މައްސަލައެއް ފުލުހުން ތަހުގީގު ކުރަމުން ދާކަމަށެވެ.

“އައިޖީއެމްއެޗްގައި މަސައްކަތްކުރާ ނަރުހެއް މަސްތުވާތަކެތި ބޭނުން ކުރާކަމަށް ތުހުމަތުކުރެވޭ މައްސަލަ ފުލުހުންނަށް ރިޕޯޓް ކޮށްފައިވޭ.” ފުލުހުންގެ މީޑިއާ އޮފިޝަލް ވިދާޅުވިއެވެ.

މި މައްސަލައިގެ އިތުރު ތަފްސީލް ފުލުހުން މިހާތަނަށް ހާމަކޮށްފައި ނުވާއިރު ތުހުމަތު ކުރެވޭ މީހާ ހައްޔަރު ކޮށްފައިވާކަމަށްވެސް ފުލުހުން ހާމަކޮށްފައެއް ނުވެއެވެ.

މިކަމާބެހޭ ގޮތުން އައިޖީއެމްއެޗުންވެސް ރަސްމީކޮށް މިހާތަނަށް މަޢުލޫމާތެއް ޙިއްސާ ކޮށްފައެއް ނުވެއެވެ.