ބޮލީވުޑުގެ މަޝްހޫރު ތަރި ނަވާޒުއްދީނު ސިއްދީގީގެ ފިލްމު "އަދުބޫތު" ގެ ޓްރެއިލަރު ރިލީޒްކޮށްފިއެވެ.

އެތައް ބަޔަކު އިންތިޒާރު ކުރަމުން އައިސްފައިވާ ފިލްމު "އަދުބޫތު" ގެ ޓްރެއިލަރު ރިލީޒްކޮށްފައިވަނީ އިއްޔެގެ ވަގުތެއްގައެވެ.

މި ފިލްމުގެ ލީޑުން ފެނިގެންދާ ނަވާޒުއްދީނު ފެނިގެންދާނީ ޑިޓެކްޓިވެއްގެ ރޯލުންނެވެ. މި ފިލްމަކީ މިސްޓްރީ ތުރިލާ ފިލްމަކަށްވާއިރު، މި ފިލްމުގައި ބިރުވެރި އަދި ރޫހާނީ ކަންތައްތަކެއް ފެނިގެންދާނެކަން ފިލްމުގެ ޓްރެއިލަރ އިން ހާމަވެގެންދެއެވެ.

ސައްބިރު ޚާން ލިޔެ ޑައިރެކްޓު ކޮށްފައިވާ މި ފިލްމުގެ މުހިންމު ރޯލުތަކުން ނަވާޒުއްދީނުގެ އިތުރުން ޑަޔާނާ ޕެންޓީ، ޝްރެޔާ ދަންވަންތަރީ، އަދި ރޯހަން މެހެރާ ފެންނާނެއެވެ. މި ފިލްމަކީ ސޮނީ ޕިކްޗާސް ފިލްމްސް އިން އުފައްދާ ފިލްމަކަަށް ވާއިރު، މި ފިލްމު އެންމެ ފުރަތަމަވެސް ރިލީޒް ކުރަން ހަމަޖެހިފައިވަނީ ސޮނީ ޓީވީ ޗެނަލަށެވެ. މި ފިލްމު ރިލީޒް ކުރަން ހަމަޖެހިފައިވަނީ ސެޕްޓެމްބަރ 15 ގައެވެ.

ނަވާޒުއްދީނު އަކީ އެތައް ބައެއްގެ މެދުގައި މަޝްހޫރު ބޮލީވުޑުގެ ތަރިއެކެވެ. އޭނާގެ ބައެއް ފިލްމު ތަކުގެ ތެރޭގައި މޯޓީޗޫރް ޗަކްނަޗޫރް، ސީރިއަސް މެން، އަދި ރާތު އަކޭލީ ހޭ ފަދަ މަޝްހޫރު ފިލްމުތައް ހިމެނެއެވެ. އޭނާ އެންމެ ފަހުން ފެނިފައިވަނީ ހިންދީ ފިލްމު "ރައުޓު ކާ ރާޒު" އިންނެވެ.

(ފިލްމު "އަދުބޫތު" ގެ ޓްރެއިލަރ)

https://youtu.be/23xj0fJNIXU?si=GggqfphVAv1uN4eU