ބޮލީވުޑުގެ ވިދަމުން އަންނަ ތަރި ވިކްރަންތު މާސޭގެ ކުރިއަށް އޮތް ފިލްމު "ސެކްޓާ 36" ގެ ޓްރެއިލަރު ނެރެފިއެވެ.

ވިކްރަންތުގެ ކުރިއަށް އޮތް ފިލްމު "ސެކްޓާ 36" ގެ ޓްރެއިލާ ރިލީޒްކޮށްފައިވަނީ އިއްޔެގެ ވަގުތެއްގައެވެ.

މި ފިލްމުގައި ވިކްރަންތު ފެނިގެންދާނީ ސިލްސިލާކޮށް މީހުން މަރާ މީހެއްގެ ރޯލުން ކަމަށާއި، މި ފިލްމަކީ ބެލުންތެރިންނަށް ވަރަށް ކަމުދާނެ ފިލްމެއް ކަމަށް ބެލޭވެ ކަމަށްވެސް ރިޕޯޓުގައި ވެއެވެ.

https://youtu.be/ZuN5znBM7Vk?si=UJ9mEYO9XCzs9viS

މެޑޮކް ފިލްމްސް އާއި ޖިއޯ ސްޓޫޑިއޯސް ގުޅިގެން އުފައްދާ މި ފިލްމަކީ ހަގީގީ ހާދިޘާތަކެއްގެ މައްޗަށް ބިނާކޮށް ހަދާފައިވާ ފިލްމެކެވެ. މި ފިލްމުގެ ލީޑުން ވިކްރަންތުއާއެކު ފެނިގެންދާނީ ދީޕަކު ޑިބްރިއާލްއެވެ. ގިނަ ބަޔަކު އިންތިޒާރު ކުރަމުން އަންނަ މި ފިލްމު ނެރުމަށް ހަމަޖެހިފައިވަނީ މި މަހުގެ 13 ގައި ނެޓްފްލިކްސް އަށެވެ.

ވިކްރަންތުގެ ބައެއް މަޝްހޫރު ފިލްމުތަކުގެ ތެރޭގައި "ހަސީން ދިލްރުބާ" އާއި، "12ތު ފެއިލު" ހިމެނެއެވެ.