ދީނީ ޚިދުމަތްކުރާ ޖަމިއްޔާތަކުގެ ފުރަތަމަ މަހާސިންތާ މާދަމާ ފަށަން ތައްޔާރުވެފައިވާ ކަމަށް އިސްލާމީ ކަންތައްތަކާ ބެހޭ ވުޒާރާ އިން ހާމަކޮށްފިއެވެ.
އިސްލާމީ ކަންތައްތަކާއި ބެހޭ ވުޒާރާއިން އިންތިޒާމުކޮށްގެން ބާއްވާ ދީނީ ޚިދުމަތްކުރާ ޖަމިއްޔާތަކުގެ ފުރަތަމަ މަހާސިންތާގައި 70 އަށްވުރެ ގިނަ ޖަމިއްޔާއިން ބައިވެރިވާނެ ކަމަށް އިސްލާމީ ކަންތައްތަކާއި ބެހޭ ވަޒީރު ޑރ. މުހައްްމަދު ޝަހީމް އަލީ ސައީދު ވަނީ ވިދާޅުވެފައެވެ.
ވަޒީރު ޝަހީމް އެކްސްގައި ކުރެއްވި ޕޯސްޓެއްގައި ވިދާޅުވީ މި މަހާސިންތާގެ މައިގަނޑު މަގްސަދަކީ ރާއްޖޭގެ ދީނީ ވަޙުދަތު ދެމެހެއްޓުމުގައި ގުޅިގެން މަސައްކަތް ކުރުން ކަަމަށެވެ. މިއީ ރައީސް ޑރ. މުޙައްމަދު މުޢިއްޒުގެ ސަރުކާރުގެ މުހިންމު އަމާޒެއް ކަމަށްވެސް ވަޒީރު ވިދާޅުވިއެވެ.
މި މަހާސިންތާގެ ތެރެއިން ދީނީ ތަފާތު މައުޟޫއުތަކާ ގުޅޭ ގޮތުން މަޝްވަރާ ކުރާނެ ކަމަށާއި ޖަމިއްޔާތަކުގެ މެދުގައި ތަޖުރިބާ ޙިއްޞާކުރުމުގެ ފުރުސަތު ލިބިގެންދާނެ ކަމަށް ވަޒީރު ވިދާޅުވިއެވެ.
އިސްލާމީ ކަންތައްތަކާއި ބެހޭ ވުޒާރާއިން މީގެ ކުރިން ވަނީ ދީނީ އިލްމުވެރިންގެ މަހާސިންތާވެސް ބާއްވާފައެވެ. އެ ވުޒާރާއިން މައުލޫމާތު ދިންގޮތުގައި އިލްމުވެރިންގެ މަހާސިންތާ، ޖަމްއިއްޔާ މަހާސިންތާ، އިމާމުންގެ މަހާސިންތާ، ޒަކާތު މަހާސިންތާ، ހައްޖާއި އުމްރާ މަހާސިންތާގެ އިތުރުން ފަތުވާ މަޖްލީސް މަހާސިންތާވެސް ބާއްވަން ވަނީ ނިންމާފައެވެ.
ވަޒީރު ޝަހީމް އެކްސްގައި ކުރެއްވި ޕޯސްޓެއްގައި ވިދާޅުވީ މި މަހާސިންތާގެ މައިގަނޑު މަގްސަދަކީ ރާއްޖޭގެ ދީނީ ވަޙުދަތު ދެމެހެއްޓުމުގައި ގުޅިގެން މަސައްކަތް ކުރުން ކަަމަށެވެ. މިއީ ރައީސް ޑރ. މުޙައްމަދު މުޢިއްޒުގެ ސަރުކާރުގެ މުހިންމު އަމާޒެއް ކަމަށްވެސް ވަޒީރު ވިދާޅުވިއެވެ.
އިސްލާމީ ކަންތައްތަކާއި ބެހޭ ވުޒާރާއިން މީގެ ކުރިން ވަނީ ދީނީ އިލްމުވެރިންގެ މަހާސިންތާވެސް ބާއްވާފައެވެ. އެ ވުޒާރާއިން މައުލޫމާތު ދިންގޮތުގައި އިލްމުވެރިންގެ މަހާސިންތާ، ޖަމްއިއްޔާ މަހާސިންތާ، އިމާމުންގެ މަހާސިންތާ، ޒަކާތު މަހާސިންތާ، ހައްޖާއި އުމްރާ މަހާސިންތާގެ އިތުރުން ފަތުވާ މަޖްލީސް މަހާސިންތާވެސް ބާއްވަން ވަނީ ނިންމާފައެވެ.
ކިޔުންތެރިންގެ ހިޔާލު