ބޮލީވުޑްގެ ތަރި ޝާހިދު ކަޕޫރުގެ ބައްޕަ އަދި ބޮލީވުޑްގެ ފިލްމީ ތަރި ޕަންކަޖު ކަޕޫރު ފިލްމު ޑައިރެކްޓު ކުރުން ހުއްޓާލި ސަބަބު މީޑިއާތަކަށް ހާމަކޮށްފިއެވެެ.
ދާދި ފަހުން އިންޑިއާ ޓުޑޭ އަށް ދިން އިންޓަވިއުއެއްގައި ޕަންކަޖު ވަނީ އޭނާ ޑައިރެކްޓު ކުރުން ހުއްޓާލި ސަބަބު ހާމަކޮށަފައެވެ. އެގޮތުން އޭނާ ބުނެފައިވަނީ އޭނާ ޑައިރެކްޓު ކުރި ފިލްމު "މޯސަމް" އަށްފަހު ފިލްމު ޑައިރެކްޓު ކުރުން ހުއްޓާފައިވަނީ އޭނާގެ ކިބައިގައި އެކަމަށް ބޭނުންވާ ސިފަތައް ނެތުމުން ކަމަށެވެ. އަދި އެއީ ވަރަށް ބުރަ މަސައްކަތެއް ކަމަށާއި އެހާ ބުރަކޮށް އުޅެން ބޭނުން ނުވާތީ ޑައިރެކްޓު ކުރުން ހުއްޓާލީކަމަށެވެ.
އޭނާ އިތުރަށް ބުނެފައިވަނީ އޭނާއަށް އެންމެ ފުރިހަމަ އަށް މަސައްކަތް ކުރެވޭނީ އެކްޓަރެއްގެ ހައިސިއްޔަތުން ކަމަށާއި، އެހެން ނަމަވެސް ރަނގަޅު ސްކްރިޕްޓެއް ލިބި ޑައިރެކްޓު ކުރުމުގެ ފުރުސަތު ލިބިއްޖެނަމަ އެކަމާ މެދު ވިސްނާނެ ކަމަށެވެ.
ޕަންކަޖު މިހާރު މަސައްކަތް ކުރަމުން ދަނީ އޭނާގެ ކުރިއަށް އޮތް ފިލްމު "ބިނީ އޯރް ފެމިލީ" ނެރުމަށެވެ. މި ފިލްމުގައި އޭނާއާއެކު ވަރުން ދަވަން ގެ ކޮއްކޮ އަންޖިނީ ދަވަން ފެންނާނެ ކަމަށް ރިޕޯޓުގައި ވެއެވެ. މި ފިލްމު ނެރުމަށް ހަމަޖެހިފައިވަނީ މި ސެޕްޓެމްބަރު މަހުގެ 20 ގައެވެ.
އޭނާ އިތުރަށް ބުނެފައިވަނީ އޭނާއަށް އެންމެ ފުރިހަމަ އަށް މަސައްކަތް ކުރެވޭނީ އެކްޓަރެއްގެ ހައިސިއްޔަތުން ކަމަށާއި، އެހެން ނަމަވެސް ރަނގަޅު ސްކްރިޕްޓެއް ލިބި ޑައިރެކްޓު ކުރުމުގެ ފުރުސަތު ލިބިއްޖެނަމަ އެކަމާ މެދު ވިސްނާނެ ކަމަށެވެ.
ޕަންކަޖު މިހާރު މަސައްކަތް ކުރަމުން ދަނީ އޭނާގެ ކުރިއަށް އޮތް ފިލްމު "ބިނީ އޯރް ފެމިލީ" ނެރުމަށެވެ. މި ފިލްމުގައި އޭނާއާއެކު ވަރުން ދަވަން ގެ ކޮއްކޮ އަންޖިނީ ދަވަން ފެންނާނެ ކަމަށް ރިޕޯޓުގައި ވެއެވެ. މި ފިލްމު ނެރުމަށް ހަމަޖެހިފައިވަނީ މި ސެޕްޓެމްބަރު މަހުގެ 20 ގައެވެ.
ކިޔުންތެރިންގެ ހިޔާލު