ބޮލީވުޑްގެ ފިލްމީ ތަރި އާމިރް ޚާން އަކީ އިންޑިއާގެ ސިނަމާގެ ތަސައްވުރު ބަދަކު ކޮށްލި ތަރިއެއް ކަމަށް ބޮލީވުޑްގެ މަޝްހޫރު ތަރި އަދި ޑައިރެކްޓަރު ކަރަން ޖޯހަރު ބުނެފިއެވެ.
ކަރަން މިހެން ބުނެފައިވަނީ ދާދި ފަހުން ހޮލީވުޑް ރިޕޯޓާއަށް ދިން އިންޓަވިއުއެއްގައެވެ. އެގޮތުން އޭނާ ބުނެފައިވަނީ ވަކި ހާއްސަ ވައްތަރެއްގެ ރޯލު ކުޅުމުގެ ބަދަލުގައި އާމިރު ވަނީ ތަފާތު އެކިކަހަލަ ރޯލުތައް ކުޅެފައި ކަމަށާއި، އަދި މިއީ އާމިރު އާއި ބޮލީވުޑްގެ އެހެނިހެން މަޝްހޫރު ތަރިންނާ ތަފާތުވާ އެއް ގޮތް ކަމަށެވެ.
ކަރަން އިތުރަށް ބުނެފައިވަނީ ވަކި ކަހަލަ ފިލްމެއް ކުޅެ އެ ފިލްމު ހިޓު ފިލްމަކަށް ވުމުން އޭނާ އެހެނިހެން ވައްތަރުގެ ފިލްމުތައް ކުޅުން ހުއްޓާ ނުލާ ކަމަށެވެ. އަދި އާމިރު ގެ ފިލްމު ގަޖިނީ އަކީ ހިންދީ ސިނަމާއަށް "ރީމޭކު ކަލްޗަރު" ގެނެސްދިން ފިލްމު ކަމަށާއި، މިއީ ސިނަމާއަށް އައި ވަރަށް ބޮޑު އިންގިލާބެއް ކަމަށްވެސް އޭނާ ވަނީ ފާހަގަ ކޮށްފައެވެ.
ކަރަން ޖޯހަރު އަކީ ބޮލީވުޑަށް އެކި ގޮތްގޮތުން ހިދުމަތް ކޮށްދީފައިވާ ކުޅަދާނަ ތަރިއަކަށްވީއިރު، އޭނާއަކީ އެތައް ބައެއްގެ ލޯބި ލިބެމުން އަންނަ ފިލްމު ޑައިރެކްޓަރެއް ވެސް މެއެވެ. އޭނާ މިހާރު ތައްޔާރުވަމުން އަންނަނީ ބޮޑު ބަޖެޓެއްގައި އުފައްދާ ވެބް ސީރީސް އަކުން އޯޓީޓީއަށް ތައާރަފް ވުމަށް ކަމަށް ވެސް ރިޕޯޓުގައި ވެއެވެ.
ކަރަން އިތުރަށް ބުނެފައިވަނީ ވަކި ކަހަލަ ފިލްމެއް ކުޅެ އެ ފިލްމު ހިޓު ފިލްމަކަށް ވުމުން އޭނާ އެހެނިހެން ވައްތަރުގެ ފިލްމުތައް ކުޅުން ހުއްޓާ ނުލާ ކަމަށެވެ. އަދި އާމިރު ގެ ފިލްމު ގަޖިނީ އަކީ ހިންދީ ސިނަމާއަށް "ރީމޭކު ކަލްޗަރު" ގެނެސްދިން ފިލްމު ކަމަށާއި، މިއީ ސިނަމާއަށް އައި ވަރަށް ބޮޑު އިންގިލާބެއް ކަމަށްވެސް އޭނާ ވަނީ ފާހަގަ ކޮށްފައެވެ.
ކަރަން ޖޯހަރު އަކީ ބޮލީވުޑަށް އެކި ގޮތްގޮތުން ހިދުމަތް ކޮށްދީފައިވާ ކުޅަދާނަ ތަރިއަކަށްވީއިރު، އޭނާއަކީ އެތައް ބައެއްގެ ލޯބި ލިބެމުން އަންނަ ފިލްމު ޑައިރެކްޓަރެއް ވެސް މެއެވެ. އޭނާ މިހާރު ތައްޔާރުވަމުން އަންނަނީ ބޮޑު ބަޖެޓެއްގައި އުފައްދާ ވެބް ސީރީސް އަކުން އޯޓީޓީއަށް ތައާރަފް ވުމަށް ކަމަށް ވެސް ރިޕޯޓުގައި ވެއެވެ.
ކިޔުންތެރިންގެ ހިޔާލު