މާދަމާ ހެނދުނު މާލޭގެ ބައެއް ސަރަހައްދުތަކުން ކަރަންޓު ކެނޑިދާނެ ކަމަށް ސްޓެލްކޯއިން ބުނެފި އެވެ.

ސްޓެލްކޯއިން ބުނީ މާލޭގެ މީޑިއަމް ވޮލްޓޭޖުގެ ޑިސްޓްރިބިއުޝަން ގްރިޑް ނެޓްވޯކްގެ ކެޕޭސިޓީ އިތުރުކުރުމަށް ކޮންމެހެން ކުރަން ޖެހޭ މަސައްކަތްތަކެއް މާދަމާ ކުރަން ނިންމާފައިވާ ކަމަށެވެ.

އެހެންވެ މާދަމާ ހެނދުނު 06:00 އިން 06:30 އަދި 09:45: 10:15 އާ ދެމެދު މާލޭގެ މައްޗަންގޮޅި، ގަލޮޅު އަދި މާފަންނުން ކަރަންޓު ކެނޑިދާނެ ކަމަށް ސްޓެލްކޯއިން ބުންޏެެވެ.

އެހެންކަމުން އެ ވަގުތު ދިމާވެދާނެ ދަތިތަކަށް ސްޓެލްކޯއިން ވަނީ މާފަށް އެދިފައެވެ.

ނެޓްވޯކް އަޕްގްރޭޑްކުރާ ވަގުތު ކަރަންޓުގެ ހިދުމަތް މެދުކެނޑިދާނެތީ އެކަން ސްޓެލްކޯއިން ދުރާލާ އަބަދުވެސް އަންގަ އެވެ.