ގިނަ ބަޔަކު އިންތިޒާރު ކުރަމުންދާ ފިލްމު "ފުޝްޕާ 2: ދަ ރޫލް" ރިލީޒް ކުރާ ދުވަސް އާންމު ކޮށްފި އެވެ.

އެތައް ބައެއްގެ މެދުގައި މަގުބޫލުވި "ޕުޝްޕާ" ގެ ސީކުއެލް ފިލްމު ނެރޭ ދުވަސް ތަފާތު އެކި ސަބަބުތަކާހުރެ ފަސްވެފައި ވަނިކޮށް، ފިލްމުގެ އުފެއްދުންތެރިން ވަނީ މިހާރު ފިލްމު ނެރުމަށް ހަމަޖެހިފައިވަަ ދުވަސް އާންމު ކޮށްފައެވެ. އިންޑިއަން އެކްސްޕްރެސް ގައިވާ ރިޕޯޓެއްގައި ބުނެފައިވާގޮތުން "ޕުޝްޕާ 2: ދަ ރޫލް" ނެރުމަށް ހަމަޖެހިފައިވަނީ އަންނަ ޑިސެމްބަރު މަހުގެ 5 ގައެވެ.

އަދި މި ފިލްމަކީ މިހާރު ބޮކްސް އޮފީހުގައިވާ ހުރިހާ ރިކޯޑެއް މުގުރާލާނެ ފިލްމެއް ކަމަށް ފިލްމުގެ އުފެއްދުންތެރިން ވަނީ ލަފާކޮށްފައެވެ. އަދި ފިލްމުގެ އުފެއްދުންތެރިން ބޭނުންވަަނީ ފިލްމު ރިލީޒް ކުރާ ދުވަހުގެ ރިކޯޑު މުގުރާލައި، އިންޑިއާގެ އެކި ސިނަމާތަކުގައި 24 ގަޑިއިރު ވަންދެން މި ފިލްމު އަޅުވާފައި ބެހެއްޓުމަށް ކަމަށްވެސް ރިޕޯޓުގައި ވެއެވެ.

ސުކުމާރު ޑައިރެކްޓު ކުރާ މި ފިލްމުގެ ލީޑު ރޯލުތަކުން ފެންނާނީ އަައްލޫ އަރުޖުން އާއި، ރަޝްމިކާ މަންދަނާ އަދި ފަހާދު ފާސިލް އެވެ. މިއީ މިހާތަނަށް އިންޑިއާގައި އުފެއްދި އެންމެ އަގުބޮޑު ފިލްމު ކަމަށްވީއިރު، މި ފިލްމަށް 1000 ކަރޯޑް ރުޕީސްގެ އާމްދަނީއެއް ލިބޭނެކަމަށް ފިލްމުގެ އުފެއްދުންތެރިން ލަފާ ކުރެއެވެ.