ކެލްސިއަމް އަކީ އަޅުގަނޑުމެންގެ ހަށިގަނޑަށް ވަރަށް ބޭނުންތެރި މާއްދާއެކެވެ. މިއީ އަޅުގަނޑުމެންގެ ކަށިތަކުގެ ސިއްހަތަށާއި، ނާރުތަކަށްވެސް ވަރަށް ބޭނުންތެރި މުހިންމު މާއްދާއެކެވެ. އަދި މިއީ ހިތުގެ ސިއްހަތަށާއި މީހާގެ މޫޑު ރެގިއުލޭޓު ކުރުމަށްވެސް ވަރަށް ބޭނުންތެރި މާއްދާއެކެވެ.

ތިރީގައި މި ހިމަނާލަނީ ހަށިގަނޑުގައި ކެލްސިއަމް މަދުވުމުން ދިމާވެދާނެ ބައެއް މައްސަލަތަކެވެ.

އިނގިލިތައް އައްސި ވުން

އަތުގެ އިނގިލިތަކާއި ފައިގެ އިނގިލިތައް އައްސި ވުމަކީ ހަށިގަނޑުގައި ކެލްސިއަމް މަދުވުމުން ދިމާވާ މައްސަލައެކެވެ. މިކަން މިހެން ވަނީ ހަށިގަނޑަށް ބޭނުންވާ މިންވަރަށް ކެލްސިއަމް ނުލިބުމުން އޭގެ ސަބަބުން ނާރުތަކުގެ މަސައްކަތަށް ބުރޫ އަރާތީއެވެ.

އެއްވެސް ކަމަކާ ނުލާ ވަރުބަލިވުން

އެއްވެސް ކަމަކާ ނުލާ ވަރުބަލިވުމަކީވެސް ހަށިގަނޑުގައި ކެލްސިއަމް މަދުވުމުން ދިމާވާ މައްސަލައެކެވެ. ކެލްސިއަމް އަކީ ހަށިގަނޑުގައި ހަކަތަ އުފައްދައިދިނުމުގައި އެހީވެދޭ މާއްދާއެކެވެ. އެހެންކަމުން ހަށިގަނޑުގައި ކެލްސިއަމް މަދުވާނަމަ، ސެލްތަކުގެ މަސައްކަތްތައް އިތުރަށް ބުރަވެ، އޭގެ ސަބަބުން މީހާއަށް ވަރުބަލިކަން އިހުސާސް ކުރެވެއެވެ.

ކާއެއްޗެހި ކާން އުނދަގޫވުން

ކާއެއްޗެހި ކާން އުނދަގޫ ވުމަކީވެސް ކެލްސިއަމް މަދުވުން ދިމާވާ މައްސަލައެކެވެ. މިކަން މިހެން ވަނީ ކެލްސިއަމް މަދުވުމުން މަސްތަކުގެ މަސައްކަތްތަކަށް ބުރޫ އަރައި، ހަށިގަނޑުގެ މަސްތައް ކޮންޓްރެކްޓު ވާންޖެހޭ ވަރަށް ނުވާތީއެވެ.

މިހެންކަމުން ހަށިގަނޑަށް ބޭނުންވާވަރަށް ކެލްސިއަމް ލިބިދޭ ކެއުމުގެ ބާވަތްތައް އިހުތިޔާރު ކުރުމަކީ މުހިންމުކަމެކެވެ.