މަޝްރޫމަކީ ތަފާތު އެކިކަހަލަ ކާއެއްޗެހި ތައްޔާރު ކުުރުމަށް ވަރަށް ގިނަ މީހުން ބޭނުންކޮށް އުޅޭ، އަދި ވަރަށް ގިނަ މީހުންނަށް ކަމުދާ އެއްޗެކެވެ. މިއީ ސިއްހީ އެތައް ފައިދާތަކެއް އެކުލެވޭ ސުޕަފުޑެއްވެސްމެއެވެ. އަދި މީގެ އިތުރުން މިއީ ހަމުގެ މައްސަލަތައްވެސް ހައްލު ކުރުމުގައި އެހީވެދޭ އެއްޗެކެވެ.

މަޝްރޫމަކީ އޭގައި ގިނަ އަދަދަކަށް ބީޓާ ގްލޫކަން ހިމެނޭ ކެއުމުގެ ބާވަތެކެވެ. ބީޓާ ގްލޫކަން އަކީ ސޮލިއުބަލް ފައިބާއެއްކަމުން މިއީ ހަށިގަނޑުގައި މެކްރޮފޭޖު އުފެއްދުމުގައި އެހީވެދޭ އެއްޗެކެވެ. މިކަމުގެ ސަބަބުން މަޝްރޫމު ކެއުމުން ޖަރަަސީމުތަކާ ދެކޮޅަށް މަސައްކަތް ކޮށް، ހަމުގެ އިންފެކްޝަންތަކުން މީހާ ރައްކާތެރި ކޮށްދެއެވެ. އަދި އޭގެ ސަބަބުން މޫނުގައި ހުންނަ ބިހިތަކާއި ކަޅުތަންތަންވެސް ފިލައެވެ.

މިއީ އަޅުގަނޑުމެންގެ ހަންގަނޑު އިރުގެ ނުރައްކާތެރި ދޯދިތަކުން ރައްކާތެރި ކޮށްދިނުމަށްވެސް އެހީވެދޭ ކެއުމުގެ ބާވަތެކެވެ. މަޝްރޫމުގައި ހިމެނޭ އެމިނޯއެސިޑެއް ކަމަށްވާ އާގޯތިއޯނީން އަކީ އެންޓި-އޮކްސިޑެންޓެއްގެ ގޮތުގައި މަސައްކަތް ކުރާ މާއްދާއެކެވެ. މި އެންޓި-އޮކްސިޑެންޓަކީ އަޅުގަނޑުމެންގެ ހަމުގައި ހުންނަ ޑީއެންއޭ މަރާމާތުކޮށްދޭ، އަދި އިރުގެ ދޯދީގެ ސަބަބުން ހަލާކުވާ ސެލްތައްވެސް މަރާމާތުކޮށްދޭ މާއްދާއެކެވެ. އެހެންކަމުން މަޝްރޫމު ކެއުމުން ތަފާތު އެކި ޕޮލިއުޓެންޓުތަކާއި އިރުގެ ނުރައްކާތެރި ދޯދިތަކުން ހަންގަނޑު ރައްކާތެރި ކޮށްދެއެވެ.

މީގެ އިތުރުން މަޝްރޫމަކީ ހަންގަނޑު ހައިޑްރޭޓު ކުރުމުގައި ވެސް އެހީވެދޭ އެއްޗެކެވެ. ބައެއް ބާވަތްތަކުގެ މަޝްރޫމުތަކަކީ އޮމެގާ 3 ފެޓީ އެސިޑު ފަދަ މާއްދާތައް ހިމެނޭ ބާވަތްތަކެވެ. މި ފެޓީ އެސިޑުތަކަކީ ޕްލިސެކްރައިޑު ހިމެނޭ މާއްދާތަކެއް ކަމުން، މަޝްރޫމު ކެއުމުން ހަންގަނޑުގައި 500 ގުނައަށް ފެން ރައްކާކުރެވެއެވެ. އަދި އޭގެ ސަބަބުން ހަންގަނޑު ހައިޑްރޭޓުވެ ތާޒާވެއެވެ.

މަޝްރޫމަކީ އަޅުގަނޑުމެންގެ ހަށިގަނޑަށް ވަރަށްވެސް ފައިދާހުރި އެއްޗެއްކަން މަތީގައި ހިމަނާފައިވާ ނުގުތާތަކުން އެނގެއެވެ. އެހެންކަމުން މަޝްރޫމަށް އެލާޖިކު ނުވާނަމަ މިއީ ކެއުމުގައި އެކުލަވާލުން ވަރަށް ރަނގަޅު އެއްޗެކެވެ.

މަސްދަރު: އީޓައިމްސް