ލުބުނާގައި މީހުން ސަލާމަތްކުރުމުގައި މަސައްކަތްކުރާ ފަރާތްތަކަށް އަމާޒުކޮށް އެމެރިކާ ހަތިޔާރާއި މަދަދުދޭ އިސްރާއީލުން ހަމަލާތަކެއްދީ އެތައް ބަޔަކު ޝަހީދުކޮށްލައިފިއެވެ.

ލުބުނާނުގެ ސިއްހީ އޮފިޝަލުންނާ ހަވާލަދީ ބޭރުގެ މީޑިޔާތަކުން ރިޕޯޓްކުރާ ގޮތުގައި ނިރުބަވެރި އިސްރާއީލުން އިއްޔެ ދިން ދެ ހަމަލާގައި 18 މީހުން ވަނީ ޝަހީދުވެފައެވެ. ދެ ސަރަހައްދަކަށް އަމާޒުކޮށް ދިން މި ހަމަލާތަކުގައި ގިނަ ބަޔަކު ޒަޚަމްވެފައިވާ ކަމަށް ވެސް ޚަބަރުތަކުން ބުނެއެވެ.

އިސްރާއީލުން ލުބުނާނުގެ ދެކުނުގެ ނަބަޠިއްޔާ ސަރަހައްދުގައި ހުންނަ ސިވިލް ޑިފެންސް ސެންޓަރަކަށް ދިން ހަމަލާއެއްގައި ޝަހީދުވި ހަ މީހުންގެ ތެރޭގައި ލުބުނާނުގެ ހަތަރު ޕެރެމެޑިކްސް ހިމެނެއެވެ. އަދި ލުބުނާނުގެ ބަޢަލަބައްކު ސިޓީ ކައިރީގައި ހުންނަ ސިވިލް ޑިފެންސް ސެންޓަރަކަށް ދެވަނަ ފަހަރަށް ދިން ހަމަލާއެއްގައި 12 މީހުން ސަލާމަތްކުރާ މީހުން ޝަހީދުވި ކަމަށް އެގައުމުގެ ސިއްހަތާ ބެހޭ ވުޒާރާއިން ވަނީ ބުނެފައެވެ.

މެދުއިރުމަތީގެ ގައުމުތަކުގައި ލުބުނާނުން ހިންގާ ލާއިންސާނީ ޖަރީމާތަކުގައި ފާއިތުވި 24 ގަޑިއިރުގެ ތެރޭގައި ފަލަސްތީނުގެ 24 މީހަކު މަރުވެ 112 މީހަކު ޒަޚަމްވެފައިވާ ކަމަށް ޣައްޒާގެ ސިއްހަތާ ބެހޭ ވުޒާރާއިން ވަނީ ބުނެފައެވެ.

ޣައްޒާގައި އިސްރާއީލުން ހިންގަމުންދާ ނަސްލު ނައްތާލުމުގައި އޮކްޓޯބަރު 7، 2023 އިން ފެށިގެން މަދުވެގެން 43،736 ފަލަސްތީނު މީހުން މަރުވެ 103،370 މީހުން ވަނީ ޒަޚަމްވެފައެވެ.

ޒަޔަނިސްޓް އިސްރާއީލުން ލުބުނާނުގައި ހަނގުރާމަ ފެށިފަހުން މިހާތަނަށް 3،386 މީހުން މަރުވެ 14،417 މީހުން ޒަޚަމްވެފައިވެއެވެ.