އާއިލާ މީހުންނާއި އަދި ރައްޓެހިންނާއެކު ގެއިން ބޭރުގައި ވަގުތު ހޭދަކުރުމަކީ ވަރަށް ގިނަ މީހުން ކޮށް އުޅޭ ކަމެކެވެ. ހަފްތާ ބަންދު ދުވަސްތަކުގައި އާއިލާ މީހުންނާއެކު ގެއިން ބޭރަށް ގޮސް، ޕާކުތަކުގައި އާއި އަދި މިނޫނަސް ތަންތާގައި ވަގުތު ހޭދަކުރާ މީހުން މަދެއް ނޫނެވެ.

މިގޮތަށް ބޭރުގައި ވަގުރު ހޭދަކުރުމަކީ މީހާގެ ސިއްހަތަށް ވަރަށް ފައިދާހުރި ކަމެކެވެ. ތިރީގައި މި ހިމަނާލަނީ ބޭރުތެރޭގައި ވަގުތު ހޭދަކުރުމުން ސިއްހަތަށް ލިބޭ ބައެއް ފައިދާތަކެވެ.

ސްޓްރެސް އާ ދުރުކޮށްދޭ

ބޭރުގައި ވަގުތު ހޭދަކުރުމަކީ މީހާގެ މޫޑު ރަނގަޅުވެ ސްޓްރެސް އާ ދުރުކޮށްދޭ ކަމެކެވެ. މިކަން މިހެން ވަނީ ގުދުރަތީ މާހައުލުގައި، ހަމަ ވައިގެ ތެރޭގައި އުޅޭ ވަގުތު މީހާގެ ހަށިގަނޑުގައި ހުންނަ ސްޓްރެސް ހޯމޯނު ކަމަށްވާ ކޯޓިސޮލް ލެވެލްތައް ދައްވާތީއެވެ.

ސަމާލުކަން ރަނގަޅުވޭ

ބޭރުގައި ވަގުތު ހޭދަކުރުމުން މީހާއަށް ކަންކަމަށް ސަމާލުކަން ދެވޭ މިންވަރުވެސް ރަނގަޅު ވެއެވެ. މިކަން މިހެން ވަނީ ބޭރުގައި ވަގުތު ހޭދަކުރުމުން ސިކުނޑީގެ މަސައްކަތްތައް ފުރިހަމައަށް ކުރެވި، އޭގެ ސަބަބުން މީހާގެ ކޮގްނިޓިވް މަސައްކަތްތައް އިތުރަށް ފުރިހަމަވާތީއެވެ.

ދިފާއީ ނިޒާމު ވަރުގަދަވޭ

ބޭރުގައި ވަގުތު ހޭދަކުރުމުން މީހާގެ ދިފާއީ ނިޒާމުވެސް ވަރުގަދަ ވެއެވެ. މިކަން މިހެން ވަނީ ބޭރުގައި ވަގުތު ހޭދަކުރުމުން މީހާގެ ދިފާއީ ނިޒާމު ސްޓިމިއުލޭޓުވެ، ވައިޓް ބްލަޑް ސެލްތައް އުފައްދާ މިންވަތު އިތުރު ވާތީއެވެ. ވައިޓް ބްލަޑް ސެލްތަކަކީ ބަލިތަކާ ދެކޮޅަށް ހަނގުރާމަ ކުރުމުގައި އެހީވެދޭ ސެލްއެކެވެ.

މަސްދަރު: އީޓައިމްސް