ފ. ނިލަންދޫގައި ނަރުދަމާ ނިޒާމު ޑިޒައިންކޮށް ގާއިމު ކުރަން ސަރުކާރުގެ ފެން ކުންފުނި، މޯލްޑިވްސް ވޯޓާ އެންޑް ސްވަރޭޖް ކޮމްޕެނީ (އެމްޑާބްލިއުއެސްސީ) އާއި ހަވާލުކޮށްފިއެވެ.

އެމްޑާބްލިއުއެސްސީއާ މި މަޝްރޫއު ހަވާލުކޮށް މިކަމުގެ އެއްބަސްވުމުގައި ސޮއިކުރީ އިއްޔެ އެވެ. ފެން ކުންފުނީގެ ފަރާތުން އެއްބަސްވުމުގައި ސޮއިކުރެއްވީ މެނޭޖިން ޑިރެކްޓަރު އަބްދުލްމަތީން މުހައްމަދެވެ. މިނިސްޓަރ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ ގެ ފަރާތުން ސޮއިކުރީ ސްޓޭޓް މިނިސްޓަރު އިބްރާހީމް ތައާމް މުހައްމަދެވެ.

މި މަޝްރޫއު އެމްޑަބްލިޔުއެސްސީއާ ހަވާލުކުރީ 540 ދުވަހުގެ ތެރޭގައި ނިންމާ ގޮތަށެވެ.

މީގެ ކުރިން ނިލަންދޫ ނަރުދަމާ މަޝްރޫއު ހަވާލުކޮށްފައި ވަނީ ފެނަކަ ކޯޕަރޭޝަނާއެވެ. އެ ކޯޕަރޭޝަނާ މި މަސައްކަތް ހަވާލުކުރީ ޖެނުއަރީ 25، 2023 ގަ އެވެ. އޭރު މި މަސައްކަތް ހަވާލުކުރީ މަސައްކަތް ފަށާތާ 180 ދުވަހުގެ ތެރޭގައި މަސައްކަތް ނިންމާ ގޮތަށެވެ.