ބަރުދަން އިތުރުވެ މާ ބޮޑަށް ފަލަވުމަކީ ވަރަށް ގިނަ މީހުންނަށް ދިމާވާ މައްސަލައަކަށްވީއިރު މިކަމުގެ ސަބަބުން ޝަކުވާ ކުރާ މީހުންވެސް އަޅުގަނޑުމެންގެ ތެރޭގައި މަދެއް ނޫނެވެ. ޑައިޓުކޮށް ކަސްރަތު ކުރި ކަމުގައި ވީނަމަވެސް ބައެއް މީހުންގެ ބަރުދަބް އިތުރުވެއެވެ.

މިފަހަރު މި ހިމަނާލަނީ ދިރިއުޅުމުގެ ވައްޓަފާޅިއަށް ބަދަލުތައް ގެނައުމުންވެސް ބަރުދަން އިތުރުވާ ބައެއް ސަބަބުތަކެވެ.

ވައި ނުސާފުވުން

ދިރިއުޅޭ މާހައުލުގެ ވައި ނުސާފު ވުމަކީވެސް އޭގެ ސަބަބުން ބަރުދަން އިތުރުވުމަށް މެދުވެރިވާ ކެމެކެވެ. މިކަން މިހެން ވަނީ ވައިގެ ތެރޭގައި ހުންނަ ތަފާތު އެކި މާއްދާތައް ހަށިގަނޑުގެ ތެރޭގައި ގިނަވެ، އޭގެ ސަބަބުން ސަރުބީ ވިރުމުގެ މަސައްކަތަށް ބުރޫ އަރާތީއެވެ. އަދި އޭގެ ސަބަބުން ކެލޮރީތައް ވިރޭވަރު މަދުވެ، މީހާގެ ބަރުދަން އިތުރުވެއެވެ.

މާ ބޮޑަށް ސާފުތާހިރުވުން

މާބޮޑަށް ސާފުތާހިރުވުން ނުވަތަ ސާފުތާހިރު ކަމުގައި ހައްދުފަހަނަ އަޅާ ދިއުމަކީވެސް ބަތުދަން އިތުރުވުމަށް މެދުވެރިވާ ސަބަބެކެވެ. ސާފުތާހިރުވާއިރު މާ ގިނައިން ޖަރާސީމާ ދެކޮޅަށް ހަނގުރާމަ ކުރާ އެއްޗެހި ބޭނުން ކުރާނަމަ އޭގެ ސަބަބުން ހަށިގަނޑުގައި، އަދި ހާއްސަކޮށް ގޮހޮރުގައި ހުންނަ ރަނގަޅު ޖަރާސީމު ނުވަތަ ފައިދާހުރި ޖަރާސީމުތައް މަރުވެއެވެ. އަދި އޭގެ ސަބަބުން މީހާގެ ގޮހޮރުގެ މަސައްކަތްތަކަށް ބުރޫ އަރައި، ބަރުދަން އިތުރުވެއެވެ.

ލައިޓު ޖައްސާފައި ހުންނަ ތަންތާގައި ގިނައިރު ހުރުން

ލައިޓު ޖައްސާފައި ހުންނަ ތަންތަނުގައި ގިނައިރު ހުރުމަކީވެސް ބަރުދަން އިތުރުވުމަށް މެދުވެރިވާ ސަބަބެކެވެ. އަދި ކޮމްޕިއުޓަރު ނުވަތަ ފޯނުން އެޅޭ ބްލޫ ލައިޓުގެ ސަބަބުންވެސް ބަރުދަން އިތުރުވެއެވެ. މިކަން މިހެން ވަނީ މިފަދައިން ލައިޓު ބޭނުން ކުރުމުގެ ސަބަބުން މީހާގެ ނިންޖަށް އަސަރުކޮށް، މީހާއަށް ހަމަ ނިދި ނުލިބޭތީއެވެ. ބަރުދަން ލުއިކުރަން ބޭނުންވާނަމަ ހަށިގަނޑަށް ބޭނުންވާ ވަރަށް ނިދި ލިބުމަކީ ވަރަށް މުހިންމު ކަމެކެވެ.