ފާއިތުވި 24 ގަޑިއިރުގެ ތެރޭގައި އެކަނިވެސް ނިރުބަވެރި އިސްރާއީލުން ލުބުނާނުގެ 31 މީހުން މަރާލާފައިވާ ކަމަށް އެގައުމުގެ ސިއްހަތާ ބެހޭ ވުޒާރާ އާއި ހަވާލަދީ ބޭރުގެ މީޑިޔާތަކުން ރިޕޯޓު ކޮށްފިއެވެ.

ޒަޔަނިސް އިސްރާއީލުން އިސްރާއީލަށް ދިން މި ހަމަލާގައި ޒަހަމްވީ ކިތަށް މީހުންނަށްކަން އަދި ކަށަވަރު ނުވެއެވެ.

ލުބުނާނުގެ ސަރުކާރުން ތާއީދުކުރާ އެގައުމުގެ ހައްގުގައި ހަރަކާތްތެރިވާ ހިޒްބުاللهއާއެކު މި ހަނގުރާމަ ހުއްޓާލުމަށް އިސްރާއީލުން ވީ އެއްބަސްވުމަށް ވެސް މީގެ ސަބަބުން އަސަރު ކުރާނެ ކަމަށް އޮފިޝަލުން މައުލޫމާތު ދެއެވެ.

މެދުއިރުމަތީގެ ގައުމުތަކަށް އިސްރާއީލުން އަރައި ދެމުންދާ ހަމަލާތަކުގައި ޣައްޒާގައިވެސް އިސްރާއީލުން ގެންދަނީ ޖަރީމާތައް ހިންގަމުންނެވެ. މި ޖަރީމާތަކުގައި މިހާރު އިސްރާއީލުގެ އަމާޒު އެންމެ ބޮޑަށް ދިމާކޮށްފައި ވަނީ ފަލަސްތީނުގެ އުތުރުގައި އޮންނަ ކަމާލް އަދުވާން ހޮސްޕިޓަލަށެވެ.

ދުނިޔޭގެ ސިއްހަތު ޖަމިއްޔާއިން ބުނާ ގޮތުގައި އިސްރާއީލުން މިހާރު ވަނީ ފަލަސްތީނުގައި ގެދޮރު ގެއްލިފައިވާ މީހުން ދިރިއުޅޭ 10،000 އެއްހާ ޓެންޓުތަކަށްވެސް ގެއްލުން ދެމުންނެވެ.

ޣައްޒާގައި އިސްރާއީލުން ހިނގި ނަސްލު ނައްތާލުމުގައި އޮކްޓޯބަރު 7، 2023 އިން ފެށިގެން 44،235 ފަލަސްތީނު މީހުން މަރުވެ 104،638 މީހުން ޒަޚަމްވެފައިވެއެވެ.

ލުބުނާނުގައި ޣައްޒާއަށް ހަނގުރާމަ ފެށިފަހުން އިސްރާއީލުން ދިން ހަމަލާތަކުގައި 3،768 މީހުން މަރުވެ 15،699 މީހުން ޒަޚަމްވެފައިވެއެވެ.