ފުރަމޭގައި ސަރުބީ ޖެހުމަކީ އޭގެ ސަބަބުން އަޅުގަނޑުމެންނަށް ސިއްހީ އެތައް މައްސަލައެއް ދިމާވާ ކަމެކެވެ. މިކަން ދިމާވާ އެންމެ މައިގަނޑު އެއް ސަބަބަކީ ހަށިގަނޑަށް ބޭނުންވާ ވަރަށް ވުރެ ގިނައިން ކެލޮރީސްތައް އެތެރެ ކުރެވޭތީއެވެ. މިކަމުގެ ސަބަބުން ހަށިގަނޑުގައި ކެލޮރީތައް ގިނަވެ ފުރަމޭގައި ސަރުބީ ޖެހުމަށް މެދުވެރިވެއެވެ. އަދި އޭގެ ސަބަބުން މީހާއަށް ތަފާތު އެކި މައްސަލަތައް ކުރިމަތިވެއެވެ.

އެގޮތުން ބަލާއިރު ފުރަމޭގައި ސަރުބީ ޖެހުމުން ދިމާވާ އެންމެ ބޮޑު އެއް މައްސަލައަކީ މީހާގެ މެޓަބޮލިޒަމް އަށް ބަދަލު އައުމެވެ. މިކަން މިހެން ވަނީ ފުރަމޭގައި ސަރުބީ ޖެހުމުގެ ސަބަބުން މީހާގެ ކައިން ބުއިމުގެ އާދަތަކަށް ބަަދަލު އަންނާތީއެވެ. އަދި އޭގެ ސަބަބުން ހަޖަމުގެ މައްސަލަތައް ދިމާވެ، މީހާގެ މެޓަބޮލިޒަމް އަށް އަސަރުކޮށް، ހަކަތަ އުފެދޭ މިންވަރަށްވެސް ބަދަލު އާދެއެވެ.

މިކަމުގެ ސަބަބުން ދިމާވާ އަނެއް މައްސަލައަކީ އަބަދު ވަރިބަލިކަން އިހުސާސް ކުރެވުމެވެ. މިކަން މިހެން ދިމާވަނީ ފުރަމޭގައި ސަރުބީ ޖެހުމުގެ ސަބަބުން ހަށިގަނޑުގައި ހުންނަ ވިހަ މާއްދާތަކާއި ސަރުބީ ހަށިގަނޑުން ބޭރުކުރަން ފުރަމެއަށް ދަތިވާތީއެވެ. އަދި އޭގެ ސަބަބުން ހަށިގަނޑުގައި ވިހަ މާއްދާތައް ހުންނަ މިންވަރު އިތުރުވެ، އޭގެ ސަބަބުން މީހާއަށް ވަރުބަލިކަން އިހުސާސް ކުރެވެއެވެ.

ފުރަމޭގައި ސަރުބީ ޖެހުމުން މިނޫނަށް އެތައް މައްސަލައެއް ދިމާވެއެވެ. އެގޮތުން ބަލާއިރު މީހާގެ ހަންގަނޑު ހިރުވުމާއި، ފުރަމޭ އަދި މީހާގެ ފައި ދުޅަވުން ފަދަ މައްސަލަތައް ހިމެނެއެވެ. އެހެންކަމުން މި ބަލީގެ އަލާމާތްތައް ފެންނަ ނަމަ ވީހާވެސް އަވަހަށް ބަލިން ފަސޭހަވުމަށް މަސައްކަތް ކުރަން ޖެހެއެވެ. އެގޮތުން ޑޮކްޓަރެއްގެ ލަފާއާއެކު ޑައިޓުކޮށް، ކަސްރަތު ކުރުމަކީ ވަރަށް މުހިންމު ކަމެކެވެ.