މާލޭ މަގުމައްޗަށް ވެއްޓިފައި އޮތް މީހަކު ހޮސްޕިޓަލަށް ގެންގޮސް ފަރުވާ ދެމުންދަނިކޮށް ނިޔާވެއްޖެ އެވެ.

ފުލުހުން މިއަދު މީޑިއާތަކަށް ފޮނުވި މެސެޖުގައި ބުނީ މިއަދު ހެނދުނު 08:56 ކަންހާއިރު އާޓިފިޝަލް ބީޗު ކައިރިން މަަގުމައްޗަށް ވެއްޓުނު މީހަކަށް ފުލުހުން އެހީތެރިވެ އެ މީހާ އޭޑީކޭ ހޮސްޕިޓަލަށް ގެންގޮސްދިން ކަމަށެވެ.

އަދި އެ މީހާ އޭޑީކޭގައި ފަރުވާ ދެމުންދަނިކޮށް 10:03 ކަންހާއިރު ނިޔާވެފައިވާ ކަމަށް ފުލުހުންނަށް ރިޕޯޓްކުރި ކަމަށް ބުނެފައި ވެއެވެ.

އެ ހާދިސާގައި ނިޔާވީ ސ.ހިތަދޫ/ ސޯސަންގެ، އަހުމަދު ޝަރީފް(53އ.) އެވެ.

އެ ހާދިސާއާ ގުޅިގެން ބަލަން ޖެހޭ ކަންކަން ބަލަމުންދާ ކަމަށް ވެސް ފުލުހުން ބުނެފައި ވެއެވެ.

އިއްޔެ ވަނީ ދަރުމަވަންތަ ހޮސްޕިޓަލާ ދިމާ މޫދުގައި ޒަހަމްވެފައި އޮތް މީހަކުވެސް ހޮސްޕިޓަލުގައި ފަރުވާާ ދެމުންދަނިކޮށް ނިޔާވެފަ އެވެ.