ކެންސަރު ބައްޔަކީ އަޅުގަނޑުމެންގެ ތެރޭގައި ގިނަ ބަޔަކު ތަހައްމަލު ކުރަމުންދާ، ބިރުވެރި އަދި ވޭންދެނިވި ބައްޔެކެވެ. މި ބަލިން ރައްކާތެރިވެ ދުޅަހެޔޮ ސިއްހަތެއްގައި ހުރެވޭނެ ގޮތްތައް ހޯދަން ކޮންމެ މީހަކުވެސް ބޭނުންވެއެވެ. އެގޮތުން ގަވާއިދުން ކަސްރަތު ކުރުމަކީ ކެންސަރު ބައްޔާ ދުރުވުމަށް އޮތް މަގެއް ކަމަށް ބައެއް ކަމާ ބެހޭ މާހިރުން ދެކެއެވެ.

ދިރިއުޅުމުގެ ވައްޓަފާޅި ބައްޓަން ކުރެވިފައިވާ ގޮތާއި ކެންސަރު ބަލިން ދުރުވުމާ ގުޅުމެއް ނެތް ނަމަވެސް، ގަވާއިދުން ކަސްރަތު ކުރާނަމަ ކެންސަރު ބަލި ޖެހުމުގެ ފުރުސަތު ވަރަށް ބޮޑު ތަނުން ކުޑަކޮށްދޭ ކަމަށް ބައެއް ދިރާސާތަކުން ދައްކައެވެ. ދިރާސާވެރިން ދެކޭގޮތުގައި މިކަން މިހެން މެދުވެރިވަނީ ކަސްރަތު ކުރުމަކީ މީހާއަށް ދިމާވާ ތަފާތު އެކި މައްސަލަތަކުގެ ހައްލަކަށް ވާތީއެވެ.

ހަށިގަނޑުގައި ތަފާތު އެކިކަހަލަ ހޯމޯނުތައް ގިނަވެ، ހަށިގަނޑު މާ ބޮޑަށް އިންފްލެމޭޓުވެ، މީހާގެ ގޮހޮރުގެ މައްސަލައްް ހުރުމަކީ ކެންސަރު ބަލި ޖެހުމަށް މެދުވެރިވާ ބައެެއް ސަބަބުތަކެވެ. ނަމަވެސް ގަވާއިދުން ކަސްރަތު ކުރާނަމަ އޭގެ ސަބަބުން ހަށިގަނޑުގެ ހޯމޯނުތައް ރެގިއުލޭޓުވެ، ހަށިގަނޑު ދުޅަވުން ކުޑަވެ، ގޮހޮރުގެ މައްސަލަތަކުން މީހާ ދުރުވެއެވެ. މި ސަބަބުތަކާ ހުރެ ގަވާއިދުން ކަސްރަތު ކުރާނަމަ ކެންސަރު ބަލި ޖެހުމުގެ ފުރުސަތު ވަރަށް ބޮޑަށް ކުޑަ ކޮށްދެއެވެ.

ވީމާ ކެންސަރު ބައްޔާ ދުރުވެ، ދުޅަހެޔޮ ސިއްހަތެއްގައި ހުންނަން ބޭނުންވާނަމަ ކޮންމެ ދުވަހަކުވެސް ކޮންމެވެސް ވަރަކަށް ކަސްރަތު ކުރަން އާދަ ކުރަން މުހިންމުވެއެވެ. ކަސްރަތު ކުރުމަކީ ހަށިގަނޑު ތަފާތު އެކި ބަލިތަކުން ރައްކާތެރި ކޮށްދޭ ކަމަކަށްވީއިރު ވީހާވެސް އަވަހަށް ދިރިއުޅުމުގެ ވައްޓަފާޅިއަށް ބަދަލު ގެނެސް މިކަން ކުރަން އާދަ ކުރަންވެސް މުހިންމުވެއެވެ.

މަސްދަރު:އީޓައިމްސް