މަޝްހޫރު ލަވަކިޔުންތެރިޔާ ދިލްޖިތު ދޯސަންޖުގެ މިއުޒިކް ކޮންސެޓެއްގައި އިންޑިއާގެ ކުރީގެ ބޮޑުވަޒީރު މަންމޯހަން ސިންގުއަށް ޓުރިބިއުޓެއް ދީފިއެވެ.
ޕިންކްވިލާގައިވާ ރިޕޯޓެއްގައި ބުނެފައިވަނީ ދިލްޖިތު ގުވަހަޓީގައި ބޭއްވި މިއުޒިކް ކޮންސެޓު ހާއްސަ ކޮށްފައިވަނީ ދާދި ފަހުން އަވަހާރަވި އިންޑިއާގެ ބޮޑުވަޒީރު މަންމޯހަން ސިންގ އަށް ކަމަށެވެ. އަދި މި ކޮންސެޓުގައި އޭނާ ވަނީ މަންމޯހަން ސިންގއަށް ޓްރިބިއުޓެއް ދީފައި ކަމަށްވެސް ރިޕޯޓުގައި ވެއެވެ.
މި ކޮންސެޓުގައި އޭނާ ވަނީ މަމްމޯހަން ސިންގގެ ފަރާތުން އޭނާއަށް ދަސްވި ބައެއް ކަންކަން ހިއްސާ ކޮށްފައެވެ. އެގޮތުން އޭނާ ބުނެފައިވަނީ މަންމޯހަން ސިންގއަކީ ދިރިއުޅުމުގައި މެދުމިން ހިޔާރު ކުރި ހިތްތިރި ބޭފުޅެއް ކަމަށާއި، އަދި އޭނާއާ ބެހޭ ގޮތުން މީހަކު ކޮންމެ އެއްޗެކޭ ބުނިކަމަށްވީނަމަވެސް އެކަމާ ރުޅިއައިސް ރައްދު ނުދޭ ކަމަށެވެ. އަދި މިއީ ކޮންމެ މީހެއްގެ ކިބައިގައިވެސް ހުންނަން ޖެހޭ ސިފަތަކެއް ކަމަށް ދިލްޖިތު ވަނީ ފާހަގަ ކޮށްފައެވެ.
މިދިޔަ ބުރާސްފަތި ދުވަހު ކުއްލި ގޮތަކަށް މަންމޯހަން ސިންގު އަވަހާރަވުމާ ގުޅިގެން އިންޑިއާގެ ރައްޔިތުން ދަނީ އެކަމާ ހިތާމަ ފާޅު ކުރަމުންނެވެ. މަންމޯހަން ސިންގ އަވަހާރަވީ އުމުރުން 92 އަހަރުގައި، މުސްކުޅި ކަމުގެ ސަބަބުން ދިމާވި ބަލިމަޑުކަމެއްގައި ފަރުވާ ހޯއްދަވަނިކޮށެވެ. މަންމޯހަން ސިންގ ވަނީ 2004 އިން 2014 އަށް އިންޑިއާގެ ބޮޑުވަޒީރުކަން ކުރައްވާފައެވެ.
މިދިޔަ ބުރާސްފަތި ދުވަހު ކުއްލި ގޮތަކަށް މަންމޯހަން ސިންގު އަވަހާރަވުމާ ގުޅިގެން އިންޑިއާގެ ރައްޔިތުން ދަނީ އެކަމާ ހިތާމަ ފާޅު ކުރަމުންނެވެ. މަންމޯހަން ސިންގ އަވަހާރަވީ އުމުރުން 92 އަހަރުގައި، މުސްކުޅި ކަމުގެ ސަބަބުން ދިމާވި ބަލިމަޑުކަމެއްގައި ފަރުވާ ހޯއްދަވަނިކޮށެވެ. މަންމޯހަން ސިންގ ވަނީ 2004 އިން 2014 އަށް އިންޑިއާގެ ބޮޑުވަޒީރުކަން ކުރައްވާފައެވެ.
ކިޔުންތެރިންގެ ހިޔާލު