ބޮލީވުޑްގެ ތަރި ޖާންވީ ކަޕޫރު އާއެކު ފިލްމެއް އުފެއްދުމުގެ ހިޔާލު ނުގެންގުޅޭ ކަމަށް ފިލްމު އުފެއްދުންތެރިޔާ ރާމް ގޯޕާލް ވަރްމާ ބުނެފިއެވެ.
ދާދި ފަހުން އޭނާގެ ޗެނެލް އަށް ދިން އިންޓަވިއުއެއްގައި ރާމް ގޯޕާލް ބުނެފައިވަނީ ޖާންވީގެ މަންމަ ސްރީދޭވީ އަކީ އޭނާއަށް އަބަދުވެސް ކަމުދިޔަ ތަރިއެއް ކަމަށާއި، އޭނާ އަބަދުވެސް ތައުރީފު ކުރާނެ ފަރާތެއް ކަމަށެވެ. ނަމަވެސް ޖާންވީގެ އެކްޓިން އޭނާއަށް ކަމުނުދާ ކަމަށް އޭނާ ވަނީ ބުނެފައެވެ.
އޭނާ އިތުރަށް ބުނެފައިވަނީ ޖާންވީ ކަޕޫރުއާއެކު މަސައްކަތް ކޮށް ފިލްމެއް އުފައްދާކަށް ބޭނުން ނުވާ ކަމަށާއި އެފަދަ ހިޔާލެއް ނުގެންގުޅޭ ކަމަށެވެ. އަދި ޖާންވީ އަކީ "ސްރީދޭވީ ހޭންގްއޯވާ" ކަމަށް އޭނާ ވަނީ ސިފަކޮށްފައެވެ.
މަސައްކަތުގެ މައިދާނަށް ބަލާއިރު ރާމް ގޯޕާލް މިހާރު މަސައްކަތް ކުރަމުންދަނީ މަނޯޖް ބާޖްޕާޔީއާއެކު އުފައްދާ ފިލްމު ނެރުމަށެވެ. އަދި ޖާންވީގެ ކުރިއަށްހުރި ޕްރޮޖެކްޓުތަކަށް ބަލާއިރު "ސަނީ ސަންސްކާރީކީ ތުލްސީ ކުމާރީ" އަދި "ޕަރަމް ސުންދަރީ" ހިމެނެއެވެ.
މަސައްކަތުގެ މައިދާނަށް ބަލާއިރު ރާމް ގޯޕާލް މިހާރު މަސައްކަތް ކުރަމުންދަނީ މަނޯޖް ބާޖްޕާޔީއާއެކު އުފައްދާ ފިލްމު ނެރުމަށެވެ. އަދި ޖާންވީގެ ކުރިއަށްހުރި ޕްރޮޖެކްޓުތަކަށް ބަލާއިރު "ސަނީ ސަންސްކާރީކީ ތުލްސީ ކުމާރީ" އަދި "ޕަރަމް ސުންދަރީ" ހިމެނެއެވެ.
ކިޔުންތެރިންގެ ހިޔާލު