އެސްޓްރޮޖެން އަކީ އަންހެންވެރިންގެ ހަށިގަނޑުގައި ވަރަށް ބޮޑު ދައުރެއް އަދާކުރާ އަދި ވަރަށަ މުހިންމު ހޯމޯނެކެވެ. ހަށިގަނޑުގައި އެސްޓްރޮޖެން ލެވެލްތައް ދައްވުމުން އޭގެ ސަބަބުން އަންހެންވެރިންގެ ދަރިމައިވުމުގެ ނިޒާމަށާއި، ހަށިގަނޑުގެ ކަށިތަކަށް ބޮޑެތި އަސަރުތަކެއް ކުރެއެވެ. ތިރީގައި މި ހިމަނާލަނީ ހަށިގަނޑުގައި އެސްޓްރޮޖެން މަދުވާނަމަ ފެންނާނެ ބައެއް އަލާމާތްތަކެވެ.

ހަންގަނޑު ހިކި ކުރަކިވުން

ހަންގަނޑު މާ ބޮޑަށް ހިކި، ކުރަކިވާނަމަ އެއީ އެސްޓްރޮޖެން މަދުވުމުގެ ސަބަބުން ދިމާވާ ކަމަކަށް ވެދާނެއެވެ. އެސްޓްރޮޖެން އަކީ ހަންގަނޑު ހައިޑްރޭޓު ކޮށް، ހަންގަނޑުގެ އިލާސްޓިސިޓީ ދެމެހެއްޓުމުގައި އެހީވެދޭ ހޯމޯނެކެވެ. ވީމާ ހަންގަނޑު މާ ބޮޑަށް ހިކި ކުރަކިވާނަމަ އެއީ ހަންގަނޑުގައި އެސްޓްރޮޖެން މަދުވުމުގެ އަލާމަތެކެވެ.

އިސްތަށި ފޭބުން

އެސްޓްރޮޖެން އަކީ އިސްތަށިގަނޑުގެ ސިއްހަތު ދަމަހައްޓައި، އިސްތަށިތައް ވަރުގަދަ ކުރުމުގައި ބޮޑު ރޯލެއް އަދާކުރާ ހޯމޯނެކެވެ. އެހެންކަމުން ބޮލުގެ އިސްތަށިގަނޑު ތުނިވެ ބޮލުން އިސްތަށި ފޭބުމަކީވެސް ހަށިގަނޑުގައި އެސްޓްރޮޖެން މަދުވުމުގެ އަލާމަތެކެވެ.

އަބަދު ވަރުބަލިވުން

އަބަދު ވަރުބަލިވާނަމަ އެއީވެސް އެސްޓްރޮޖެން ލެވެލްތައް ދައްވުމުން ދިމާވާ ކަމަކަށް ވެދާނެއެވެ. ހަށިގަނޑުގައި އެސްޓްރޮޖެން ހުންނަ ވަރު ދައްވުމުން ހަށިގަނޑުގައި ހަކަތަ ހުންނަ ވަރު ދައްވެ، އޭގެ ސަބަބުން މުޅި ދުވަހު ވަރުބަލިކަން އިހުސާސް ކުރެވެއެވެ. ވީމާ އަބަދު ވަރުބަލިވާނަމަ ޑޮކްޓަރަކަށް ދައްކައި އެސްޓްރޮޖެން ހުރި ވަރު ބެލުމަކީ ރަނގަޅު ކަމެކެވެ.

މަސްދަރު: އީޓައިމްސް