ކެއުމުގައި ގެންގުޅޭ އުސޫލުތަކުގެ ސަބަބުން ފުރަމޭގެ ސިއްހަތަށަ ވަރަށް އަސަރު ކުރެއެވެ. ތަފާތު އެކިކަހަލަ ނިއުޓްރިއެންޓު ހިމެނޭ ފައިދާހުރި ކާނާގެ ބާވަތްތައް ބޭނުން ކުރާނަމަ އޭގެ ސަބަބުން ފުރަމޭ ސާފުވެ، ފުރަމޭގެ މަސައްކަތް އިތުރަށް ފުރިހަމަ ވެއެވެ.

ތިރީގައި މި ހިމަނާލަނީ ފުރަމޭ ސާފުކުރުމަށް ކުރަންވީ ބައެއް ކަންކަމެވެ.

ފެން ބުއިން

ގިނަގިނައިން ފެންބޯނަމަ މީހާގެ ހަށިގަނޑު ވަރަށް ރަނގަޅަށް ހައިޑްރޭޓު ވެ އޭގެ ސަބަބުން ހަށިގަނޑުގައި ހުންނަ ވިހަ މާއްދާތައް ބޭރުވެއެވެ. އަދި އޭގެ ސަބަބުން ފުރަމޭގެ މަސައްކަތް ރަނގަޅުވެ ބަލިތަކުން މީހާ ރައްކާތެރި ވެއެވެ.

ޕްރޮސެސް ކޮށްފައި ހުންނަ އެއްޗެހި ކާވަރު މަދުކުރުން

ބަންދުކޮށްފައި ހުންނަ ކާނާގެ ބާވަތްތަކަކީ އޭގައި ތަފާތު އެކިކަހަލަ ހަކުރުތަކާއި، ރިފައިން ކޮށްފައި ހުންނަ ކާބޯހައިޑްރޭޓުތައް ހިމެނޭ ބާވަތްތަކެވެ. މިފަދަ އެއްޗެހި ކެއުމުން ފުރަމެއަށް ބާރު ބޮޑުވެ ފުރަމޭގެ މަސައްކަތްތަކަށް ބުރޫއަރައެވެ. އެހެންކަމުން ފުރަމޭ ސާފުކޮށް، ފުރަމޭގެ މަސައްކަތްތައް އެންމެ ފުރިހަމަ ގޮތުގައި ކުރަން ބޭނުންވާނަމަ މިކަންތައް ހުއްޓާލުމަކީ ވަރަށް މުހިންމު ކަމެކެވެ.

ގްރީން ޓީ ބުއިން

ގްރީން ޓީ އަކީ އޭގައި ވަރަށް ގިނަ އަދަދަކަށް އެންޓި އޮކްސިޑެންޓު ހިމެނޭ އެއްޗެކެވެ. މި ބޭނުން ކުރުމުން ފުރަމޭ އޮކްސިޑޭޓިވް ސްޓްރެސްއާ ދުރުވެ، ފުރަމޭ ހަލާކުވާ ވަރު ކުޑަވެއެވެ. އަދި އޭގެ ސަބަބުން ފުރަމޭ ސާފުވެ ފުރަމޭގެ މަސައްކަތްތައްވެސް އިތުރަށް ފުރިހަމަ ވެއެވެ.

މަސްދަރު: އީޓައިމްސް