އައްލޫ އަރުޖުންގެ ފިލްމު "ޕުޝްޕާ 2" އަށް 20 މިނެޓުގެ ފޫޓޭޖު އިތުރުކުރަން އުޅޭ ކަމަށް ފިލްމުގެ އުފެއްދުންތެރިން ބުނެފިއެވެ.

މިކަން އިއުލާން ކޮށް މިދިޔަ އަންގާރަ ދުވަހު ޕުޝްޕާ ޕްރޮޑިއުސް ކުރި ކުންފުނި ކަމަށްވާ "މިތުރީ މޫވީ މޭކާސް" އިން ސޯޝަލް މީޑިއާގައި ޕޯސްޓެއް ހިއްސާ ކޮށްފައިވާ ކަމަށް ބޮލީވުޑް ހަންގާމާގައި ވަނީ ބުނެފައެވެ. އެގޮތުން މި ހަފްތާ ބަންދުން ފެށިގެން އަޅުވާ ޝޯތަކުގައި 20 މިނެޓުގެ ފޫޓޭޖު އިތުރުކޮށްފައިވާނެ ކަމަށްވެސް ރިޕޯޓުގައި ވެއެވެ.

މި ފިލްމުގައި އައްލޫ އަރުޖުން އާއެކު ލީޑުން ފެނިގެންދަނީ ރަޝްމިކާ މަންދަނާއެވެ. ޕުޝްޕާ ފްރެންޗައިސް އަށް ވަނީ ދުނިޔޭގެ އެކިކަންކޮޅުތަކުގެ މީހުންގެ މަގުބޫލުކަން ލިބި، ވަރަށް ކާމިޔާބު ފްރެންޗައިސް އަކަށް ވެފައެެވެ.

ޕުޝްޕާ 2 އަށް ބޮކްސް އޮފީހުގައި ވަރަށް ބޮޑު ކާމިޔާބީއެއް ލިބިފައިވާއިރު، މި ފިލްމު ވަނީ ބޮކްސް އިފީހުގެ އެތައް ރިކޯޑުތަކެއް މުގުރާލާފައެވެ. އެގޮތުބް ބަލާއިރު މި ފިލްމަށް ވަނީ 1600 ކަރޯރު އިންޑިއަން ރުޕީސްގެ އާމްދަނީއެއް ލިބިފައި ކަމަށް ރިޕޯޓުރައް ބުނެއެވެ.