ހަށިގަނޑުގައި ޔުރިކް އެސިޑު ހުންނަ ވަރު ގިނަ ވާނަމަ އޭގެ ސަބަބުން ސިއްހީ އެތައް މައްސަލަތަކެއް ކުރިމަތިވެއެވެ. ޔުރިކް އެސިޑު ގިނަވާނަމަ ދިމާވާ މައްސަލަތަކުގެ ތެރޭގައި ކިޑްނީގައި ހިލަ އުފެދުމާއި، ހަށިގަނޑުގެ ހުޅުތައް ދުޅަވުން ހިމެނެއެވެ. ތިރީގައި މި ހިމަނާލަނީ ހަށިގަނޑުގައު ޔުރިކް އެސިޑު ހުންނަ ވަރު ދަށްކުރުމަށް ކުރަންވީ ބައެއް ކަންކަމެވެ.

ހައިޑްރޭޓު ވުން

ހަށިގަނޑުގައި ޔުރިކް އެސިޑު ހުންނަ ވަރު ދަށްކުރަން ބޭނުންވާނަމަ ގިނައިން ފެންބޮއެ މީހާ ރަނގަޅަށް ހައިޑްރޭޓުވެ ހުރުމަކީ ވަރަށް މުހިންމު ކަމެކެވެ. ގިނައިން ފެން ބުއިމުން ކުޑަކަމުދާ ވަގުތު ހަށިގަނޑުގައި އިތުރަށް ހުންނަ ޔުރިކު އެސިޑު ބޭރުވެއެވެ. ވީމާ ކޮންމެ ދުވަހަކުވެސް މަދުވެގެން 8 ތަށި ފެން ބޮވޭތޯ ކޮންމެ މީހަކުވެސް ބަލަން ޖެހެއެވެ.

ބަރުދަން ލުއިކުރުން

މާ ބޮޑަށް މީހާ ބަރުވާނަމަ އޭގެ ސަބަބުން ހަށިގަނޑުގައި ޔުރިކު އެސިޑު ހުންނަ ވަރު އިތުރުވެއެވެ. އެހެންކަމުން ޔުރިކު އެސިޑު ހުންނަ ވަރު ދައްކުރަން ބޭނުންވާނަމަ ކަސްރަތުކޮށް ބަރުދަން ލުއި ކުރުމަށް ކޮންމެ މީހަކުވެސް މަސައްކަތް ކުރަން ޖެހެއެވެ.

ޗެރީ ކެއުން

ޗެރީ އަކީވެސް ހަށިގަނޑުގައި ޔުރިކް އެސިޑު ހުންނަ ވަރު ދައްކޮށްދޭ މޭވާއެކެވެ. ޗެރީ އަކީ އޭގައި ގިނަ އަދަދަކަށް އެންޓިއޮކްސިޑެންޓުތައް ހިމެނޭ އެއްޗެއް ކަމުން މި ކެއުމުން ހަށިގަނޑު ދުޅަވުން ކުޑަވެ އޭގެ ސަބަބުން ހަށިގަނޑުގައި ޔުރިކު އެސިޑު ހުންނަ ވަރު ދައްވެއެވެ. އެހެންކަމުން ހަށިގަނޑުގައި ޔުރިކު އެސިޑު ގިނަވާނަމަ ކެއުމުގައި ޗެރީ ހިމެނުމުން އެކަން ފަސޭހަކަމާއެކު ހައްލު ކުރަން އެހީވެދޭނެއެވެ.