ބޮލީވުޑްގައި ވިދަމުން އަންނަ ފިލްމީ ތަރި ރަޝްމިކާ މަންދަނާއަށް ލިބުނު އަނިޔާއެއްގެ ސަބަބުން އޭނާގެ ކުރިއަށް އޮތް ފިލްމު "ސިކަންދަރު" ގެ ޝޫޓުތައް މެދުކަނޑާލައިފިއެވެ.
އީޓައިމްސްގައިވާ ރިޕޯޓެއްގައި ބުނެފައިވަނީ ރަޝްމިކާއަށް ޖިމުގައި އުޅެނިކޮށް ލިބުނު އަނިޔާއެއްގެ ސަބަބުން އޭނާ ކުޑަ ދުވަސްކޮޅަކަށް "ސިކަންދަރު" ގެ ޝޫޓިން މެދުކަނޑާލާފައިވާ ކަމަށެވެ. އަދި މިހާރު އޭނާ އަރާމު ކުރަމުންދާ ކަމަށާއި، ހާލު މިހާރު ރަނގަޅު ވަމުން އަންނަ ކަމަށްވެސް ރިޕޯޓުގައި ވެއެވެ.
އޭނާ ޝޫޓިން މެދުކަނޑާލައިފައި ވަނީ ޑޮކްޓަރުގެ ލަފާގެ މަތިންނެވެ. ރިޕޯޓުގައި ބުނާ ގޮތުގައި އޭނާގެ ޑޮކްޓަރުން ވަނީ ޝޫޓުތަކުން ކުޑަ ބްރޭކެއް ނެގުމަށް އިލްތިމާސް ކޮށްފައެވެ.
މިމަހު މި ފިލްމުގެ އެންމެ ފަހު ޝޫޓުތައް ކުރަން ނިންމާފައިވާއިރު އެ ޝޫޓުތައް ފަށާނީ ރަޝްމިކާ ރަނގަޅުވެ މަސައްކަތުގެ މައިދާނަށް ނިކުތުމުންނެވެ. މި ފިލްމު ނެރުމަށް ހަމަޖެހިފައިވަނީ މިއަހަރު މާޗުގައެވެ.
މިމަހު މި ފިލްމުގެ އެންމެ ފަހު ޝޫޓުތައް ކުރަން ނިންމާފައިވާއިރު އެ ޝޫޓުތައް ފަށާނީ ރަޝްމިކާ ރަނގަޅުވެ މަސައްކަތުގެ މައިދާނަށް ނިކުތުމުންނެވެ. މި ފިލްމު ނެރުމަށް ހަމަޖެހިފައިވަނީ މިއަހަރު މާޗުގައެވެ.
ކިޔުންތެރިންގެ ހިޔާލު