ބޮލީވުޑްގެ މަޝްހޫރު ތަރި ކަންގަނާ ރަނައުތުގެ ކުރިއަށް އޮތް ފިލްމު "އެމަޖެންސީ" ބަންލަދޭޝްގައި އެޅުވުން މަނާ ކޮށްފިއެވެ.

ބޮލީވުޑް ހަންގާމާގެ ރިޕޯޓެއްގައި ބުނެފައިވަނީ މިމަހު ނެރެން ހަމަޖެހިފައިވާ ފިލްމު "އެމަޖެންސީ" ނެރޭ ދުވަސް ކައިރިވެފައިވަނިކޮށް ބަންގްލަދޭޝުން އެ ފިލްމު ބޭން ކޮށްފައިވާ ކަމަށެވެ. އެގޮތުން އެގައުމުން މި ފިލްމު އެޅުވުން ބޭން ކޮށްފައިވަނީ މިހާރު އިންޑިއާ އާއި ބަންގްލަދޭޝްއާ ދެމެދު އޮތް ސިޔާސީ މައްސަލަތަކެއްގެ ސަބަބުން ކަމަށް ރިޕޯޓުގައި ވެއެވެ.

އަދި މީގެ އިތުރުން މި ފިލްމު އެޅުވުން މަނާ ކުރި އަނެއް ސަބަބަކީ ބަންގްލަދޭޝްގެ ތާރީހުގައި ލިޔެވިފައިވާ ފަރާތެއް ކަމަށްވާ "ޝެއިހު މުޖީބިރު ރަހްމާނު" މަރާލީ ބަންގްލަދޭޝްގެ އެކްސްޓްރީމިސްޓުންގެ ބައެއް ކަމަށް ބުނެ ފިލްމުގައި އެދަފަ މަންޒަރުތައް ހިމަނާފައިވާތީ ކަމަށްވެސް ރިޕޯޓުގައި ވެއެވެ.

މި ފިލްމުގެ ކާސްޓުންގެ ތެރޭގައި ކަންގަނާގެ އިތުރުން އަނުޕަމް ޚޭރް އާއި، ޝްފެޔާސް ތަލްޕަޑޭ އާއި ސަތިޝް ކޯޝިކް ފަދަ ތަރިން ހިމެނެއެވެ. އަދި މި ފިލްމު ޑައިރެކްޓު ކޮށްފައިވަނީ ކަންގަނާ އެވެ.

ޒީ ސްޓޫޑިއޯސް އިން ޕްރޮޑިއުސްކުރާ މި ފިލްމު ނެރުމަށް ހަމަޖެހިފައިވަނީ މިމަހު 17 ގައެވެ.