ބޮލީވުޑްގެ މަޝްހޫރު ތަރި، ސައިފް އަލީ ޚާނަށް ވަޅީގެ ހަމަލާތަކެއް ލިބުނީ އެމީހުންގެ އެންމެ ކުޑަ ދަރިފުޅު "ޖޭ" އެ މީހާގެ ފަރާތުން ސަލާމަތް ކުރަން އުޅުމުގެ ތެރޭގައި ކަމަށް ކަރީނާ ކަޕޫރު ޚާން ބުނެފިއެވެ.
ކަރީނާ މިހެން ބުނެފައިވަނީ މި ހާދިސާއާ ބެހޭ ގޮތުން ބަންޑްރާގެ ފުލުހުންނަށް ބަޔާން ދެމުންނެވެ. އެގޮތުން އޭނާ ބުނެފައިވަނީ ސައިފަށް އެ މީހާ ހަމަލާ ދީފައިވަނީ އެމީހުންގެ އެންމެ ކުޑަ ދަރިފުޅު އޭނާގެ ހަމަލާތަކުން ސަލަމާތް ކުރަން އުޅެނިކޮށް ކަމަށެވެ.
އަދި އެމީހުންގެ ދަރިންނާއި ގޭގެ އެހެނިހެން މީހުންވެސް މިއަދު ސަލާމަތުން ތިބީ ސައިފުގެ ހުށިޔާރު ކަމުން ކަމަށްވެސް ކަރީނާ ވަނީ ބުނެފައެވެ.
އެ މީހާ ދިން ހަމަލާތަކުގެ ސަބަބުން ސައިފަށް ބޮޑެތި ޒަހަމްތައް ލިބިފައިވާއިރު ލިލާވަތީ ހޮސްޕިޓަލުގައި އެޑްމިޓި ކޮށް އޭނާއަށް ވަނީ ފަރުވާ ދީފައެވެ. އެގޮތުން މައިބަދައިގެ އޮޕަރޭޝަނެއް ކޮށްފައިވާއިރު، އޭނާގެ އަތަށް ލިބުނު ޒަހަމްތަކަށް ޕްލާސްޓިކު ސާޖަރީ ޓީމަކުން ވަނީ ފަރުވާ ދީފައެވެ.
ބަންޑްރާގެ ފުލުހުން މިހާރު ދަނީ މި މައްސަލަ ތަހުގީގު ކުރަމުންނެވެ. މި މައްސަލައިގެ ތަހުގީގަށް މިހާރު 30 އަށްވުރެ ގިނަ ބަޔާން ނަގާފައިވާއިރު އެ ސަރަހައްދުގެ ސީސީޓީވީ ފޫޓޭޖުތައްވެސް ފުލުހުން ވަނީ ހޯދާފައެވެ. އަދި މިހާރު މި މައްސަލައާ ގުޅިގެން ތިން މީހަކާ ފުލުހުން ސުވާލު ކުރަމުންދާ ކަމަށް ރިޕޯޓުތައް ބުނެއެވެ.
މައިބަދައިގެ އޮޕަރޭޝަނަށްފަހު ސައިފުގެ ހާލު މިހާރު ދަނީ ރަނގަޅު ވަމުންނެވެ. ނަމަވެސް ޑޮކްޓަރުން ވަނީ ބުރަކޮށް ނޫޅެ އަރާމު ކުރުމަށް ސައިފަށް ލަފާ ދީފައެވެ.
އަދި އެމީހުންގެ ދަރިންނާއި ގޭގެ އެހެނިހެން މީހުންވެސް މިއަދު ސަލާމަތުން ތިބީ ސައިފުގެ ހުށިޔާރު ކަމުން ކަމަށްވެސް ކަރީނާ ވަނީ ބުނެފައެވެ.
އެ މީހާ ދިން ހަމަލާތަކުގެ ސަބަބުން ސައިފަށް ބޮޑެތި ޒަހަމްތައް ލިބިފައިވާއިރު ލިލާވަތީ ހޮސްޕިޓަލުގައި އެޑްމިޓި ކޮށް އޭނާއަށް ވަނީ ފަރުވާ ދީފައެވެ. އެގޮތުން މައިބަދައިގެ އޮޕަރޭޝަނެއް ކޮށްފައިވާއިރު، އޭނާގެ އަތަށް ލިބުނު ޒަހަމްތަކަށް ޕްލާސްޓިކު ސާޖަރީ ޓީމަކުން ވަނީ ފަރުވާ ދީފައެވެ.
މައިބަދައިގެ އޮޕަރޭޝަނަށްފަހު ސައިފުގެ ހާލު މިހާރު ދަނީ ރަނގަޅު ވަމުންނެވެ. ނަމަވެސް ޑޮކްޓަރުން ވަނީ ބުރަކޮށް ނޫޅެ އަރާމު ކުރުމަށް ސައިފަށް ލަފާ ދީފައެވެ.
ކިޔުންތެރިންގެ ހިޔާލު