ވިސްނުންތޫނު މީހުންނަށް ދިރިއުޅުމުގައި ދިމާވާ ތަފާތު އެކިކަހަލަ މައްސަލަތައް ފަސޭހަކަމާއެކު ހައްލު ކުރަން އެނގެއެވެ. މި ސިފައަކީ އެންމެންވެސް ބޭނުންވާ ސިފައެކެވެ. ތިރީގައި މި ހިމަނާލަނީ ވިސްނުންތޫނު މީހަކަށްވާން ބޭނުންނަމަ ކުރަންވީ ބައެއް ކަންކަމެވެ.

އާ ބަހުރުވަތައް ދަސްކުރުން

އާ ބަހުރުވަތައް ދަސްކުރުމުން މީހާގެ ސިކުނޑި ތަފާތު އެކި ގޮތްގޮތައް ސްޓިމިއުލޭޓުވެ އޭގެ ސަބަބުން މީހާގެ ވިސްނުމަށްވެސް އަސަރު ކުރެއެވެ. އާ ބަހުރުވަތައް ދަސްކުރުމުން މީހާއަށް ތަފާތު އެކި ކަންތައްތައް ދަސްވެ، ވަރަށް ގިނަ ކަންތައްތައް އެނގެއެވެ. އަދި އޭގެ ސަބަބުން ވިސްނުންވެސް ތޫނުވެ ސިކުނޑީގެ މަސައްކަތްތައްވެސް ރަނގަޅުވެއެވެ.

ކަންކަމާމެދު ދިރާސާ ކުރުން

ކަަންކަމާމެދު ދިރާސާ ކުރުމަކީވެސް މީހާގެ ވިސްނުންތޫނުވާ ކަމެކެވެ. އެގޮތުން ބަލާއިރު ތިމާގެ ލޯމަތިން ފެންނަ ކަންތައްތަކުގެ ފަހަތުގައި ފޮރުވިފައިވާ މާނަތަކާ މެދު ވިސްނައި، އެކަންކަން ހޯދަން މަސައްކަތް ކުރާނަމަ ލޮލަށް ނުފެންނަ އެތައް ކަމެއް މީހާއަށް ދަސްވެއެވެ. އަދި މީހާގެ ސިކުނޑި މަސައްކަތް ކުރާ ވަރު އިތުރުވެ، ވިސްނުންވެސް ތޫނުވެއެވެ.

އައިކިއު ބޫސްޓުވާކަހަލަ ކަންތައް ކުރުން



މީހާގެ އައިކިއު ބޫސްޓުވާފަދަ ހަރަކާތްތަކުގައި ބައިވެރިވެ އެކަންތައް ކުރުމަކީވެސް ވިސްނުންތޫނުވާ ކަމެކެވެ. އެގޮތުން ބަލާއިރު ކުރެވޭނެ ބައެއް ކަންކަމުގެ ތެރޭގައި ތަފާތު އެކިކަހަލަ ޕަޒުލްތައް ނިންމުމާއި، ތުރީ ޑީ މޮޑެލްތައް ހެދުމުގައި ބައިވެރިވުމާއި، ފޮރުވިފައިވާ ކަންތައް ހޯދާފަދަ ގޭމުތައް ކުޅުން ހިމެނެއެވެ. މިކަންތައް ކުރުމުން ސިކުނޑި މަސައްކަތް ކުރާ ވަރު އިތުރުވެ، ތަފާތު ކަންތައް މީހާއަށް ދަސްވެއެވެ. އަދި ވިސްނުން ފުޅާވެ ވިސްނުން ތޫނުފިލިވެސް ވެއެވެ.

މަސްދަރު: އީޓައިމްސް