ތައިރޮއިޑު މައްސަލަތައް ޖެހުމުގެ ސަބަބުން މީހާގެ މުޅި ސިއްހަތަށަ ވަރަށް އަސަރުކޮށް، މުޅި ދުވަހު ވަރުބަލިކަން އިހުސާސް ކުރެވޭ ފަހަރުވެސް އާދެއެވެ. ތައިރޮއިޑު ބައްޔަކީ ހަމައެކަނި ބޭސް ކައިގެން ރަނގަޅު ކުރެވޭ ކަމެއް ނޫނެވެ. މިކަން ރަނގަޅު ކުރަން ބޭނުންވާނަމަ މީހާގެ ކެއުމުގެ އުސޫލުތަކަށްވެސް ބަދަލު ގެންނަން ޖެހެއެވެ. ތިރީގައި މި ހިމަނާލަނީ ތައިރޮއިޑު މައްސަލަ ހުންނަ ނަމަ ކައިގެން ނުވާނެ ބައެއް ބާވަަތްތަކެވެ.

ކެފެއިން ހިމެނޭ ބާވަތްތައް

ތައިރޮއިޑު ހުންނަ ނަމަ ކެފެއިން ހިމެނޭ ކާއެއްޗެއްސާއި ބުއިންތަކާ ދުރުވެލުމަކީ ވަރަށް މުހިންމު ކަމެކެވެ. މި ބޭނުން ކުރާނަމަ ތައިރޮއިޑު ބޭސްތަކުގެ މަސައްކަތްތަކަށް ބުރޫ އަރައި އޭގެ ސަބަބުން މީހާގެ ހާލަތު ގޯސްވެއެވެ. ވީމާ ތައިރޮއިޑު މައްސަލަ ހުންނަ ނަމަ ކެފެއިންގެ ބަަވަތްތައް ބޭނުން ކުރުން ހުއްޓާލަަން ޖެހެއެވެ.

ފެޓު ހިމެނޭ ބާވަތްތައް



ތެލުލާފައި ހުންނަ ކާއެއްޗެހި ނުވަތަ ގިނަ އަދަދަކަށް ފެޓު އެކުލެވޭ މަސް ބޭނުން ކުރާނަމަ އޭގެ ސަބަބުން ތައިރޮއިޑު ބޭހުގެ މަސައްކަތްތަކަށް ބުރޫ އަރައެެވެ. އަދި އެކަމުގެ ސަބަބުން މީހާގެ ހާލަތު ގޯސްވެ ހޯމޯނުތަކަށްވެސް ބޮޑެތި ބަދަލުތަކެއް އާދެއެވެ. ވީމާ މި މައްސަލައަށް ފަރުވާ ހޯދަން ބޭސް ކާނަމަ ފެޓު ހިމެނޭ ބާވަތްތަކާ ދުރުވެލަން ޖެހެއެވެ.

ފޮނިކާތަކެތި



މެޓާ، ސޮފްޓު ޑްރިންކު، އަދި ތަފާތު އެކިކަހަަލަ ފޮނި ކާއެއްޗެއްސަކީ އޭގައި ގިނަ އަދަދަކަށް ހަކުރު އެކުލެވޭ ބާވަތްތަކެވެ. މި އެއްޗެހި ކެއުމުން މީހާގެ ބަރުދަން އިތުރުވެ އޭގެ ސަބަބުން ތައިރޮއިޑު މައްސަލަ އިތުރަށް ގޯސްވެއެވެ. ވީމާ ތައިރޮއިޑު މައްސަލަ ހުންނަ ނަމަ ފޮނި ކާތަކެތި ބޭނުން ކުރާވަރު މަދުކޮށްލުމަކީ ވަރަށް މުހިންމު ކަމެކެވެ.

މަސްދަރު: އީޓައިމްސް