ރ. އަތޮޅުގެ 11 ރަށަކަށް ރައީސް ޑރ. މުހައްމަދު މުއިއްޒު ދަތުރުފުޅެއް މިއަދު ފައްޓަވައިފި އެވެ.

މިއަދު ހެނދުނު ފެއްޓެވި އެ ދަތުރުފުޅުގައި، އަނގޮޅިތީމު، ހުޅުދުއްފާރު، އިންނަމާދޫ، ކިނޮޅަސް، މާކުރަތު، މަޑުއްވަރި، ފައިނު، ރަސްގެތީމު، ރަސްމާދޫ، އަދި އުނގޫފާރަށް ވަޑައިގަންނަވާނެ ކަމަށް ރައީސް އޮފީހުން މައުލޫމާތު ދީފައި ވެއެވެ.

ތިން ދުވަހަށް ކުރައްވާ އެ ދަތުރުފުޅުގައި މި ދަތުރުފުޅުގައި ރައީސްގެ އަރިހުގައި ވަޒީރުންނާއި ސަރުކާރުގެ ބައެއް މުއައްސަސާތަކުގެ އިސްވެރިން ބައިވެރިވެވަޑައިގަންނަވަ އެވެ.

ރައީސް އޮފީހުން ބުނީ މި ދަތުރުފުޅުގައި ރ. އަތޮޅުގެ ރަށްތަކުގެ ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކާއި، ރަށުގެ މުވައްސަސާތަކުގެ އިސްވެރިންނާ ބައްދަލުކުރައްވައި، އެރަށްރަށުގެ ތަރައްގީއަށް ބޭނުންވާ ކަންކަމާއި، ރައްޔިތުން އެންމެ އެދޭކަންކަމާ ގުޅޭގޮތުން މަޝްވަރާ ކުރައްވާނެ ކަމަށެވެ.

އޭގެ އިތުރުން ބައެއް ރަށްތަކުގައި ހިންގަން ނިންމާފައިވާ މަޝްރޫއުތައް ފައްޓަވައި ދެއްވައި އަލަށް އިމާރާތް ކުރުމަށް ހަމަޖެހިފައިވާ ކައުންސިލް އިދާރާތަކުގެ ބިންގާ އަޅުއްވައިދެއްވުމާއި، އައިޑީކާޑު އަދި ޕާސްޕޯޓް ދޫކުރުމުގެ ހިދުމަތްވެސް ރައީސް ފައްޓަވައި ދެއްވާނެ ކަމަށް ރައީސް އޮފީހުން ބުނެފައި ވެއެވެ.