ބޮޑު ގޮހޮރުގެ ކެންސަރަކީ ދުނިޔޭގައި އެންމެ އާންމުކޮށް ފެންނަ ކެންސަރުތަކުގެ ތެރެއިން އެއް ބާވަތެވެ. ދިރިއުޅުމުގެ ވައްޓަފާޅިއަށް ބަދަލުތަކެއް ގެނައުމާއި ކެއުމުގެ އާދަތައް ރަނގަޅުކުރުމުން މި ބަލި ޖެހުމުގެ ފުރުސަތު ކުޑަވެގެން ދެއެވެ.

އެހެންކަމުން މި ހިމަނާލަނީ ބޮޑު ގޮހޮރުގެ ކެންސަރުން ދުރުވާން ބޭނުންނަމަ ހެނދުނު ބޯންވީ ބައެއް ބުއިންތަކެވެ.

ފެން

ހެނދުނު ހޭލާފައި ފެންތަައްޓެއް ބުއިމަކީ ހަށިގަނޑު އެތެރެއިން ސާފުކޮށް، ހަޖަމުކުރުމުގެ ނިޒާމުގެ މަސައްކަތް ރަނގަޅުކޮށްދޭ ކަމެކެވެ. އަދި ފެނުގައި އެކުލެވޭ އެންޓި-އޮކްސިޑެންޓްތަކުން ކެންސަރު ސެލްތައް އުފެދުން ހުއްޓުވުމަށް އެހީތެރިވެދެއެވެ.

ކެރެޓު ޖޫސް

ކެރެޓުގައި އެކުލެވޭ ބީޓާ-ކެރޮޓީން އަދި އެހެނިހެން ނިއުޓްރިއެންޓްތަކުން ބޮޑުގޮހޮރުގެ ކެންސަރު ޖެހުމުގެ ފުރުސަތު ކުޑަކުރުމަށް އެހީތެރިވެދެއެވެ. އަދި ކެރެޓުގައި އެކުލެވޭ ފައިބަރުން ހަޖަމުކުރުމުގެ ނިޒާމުގެ މަސައްކަތްތައް ރަނގަޅުކުރުމަށް އެހީތެރިވެދެއެވެ.

ބީޓްރޫޓު ޖޫސް

ބީޓްރޫޓުގައި އެކުލެވޭ ބީޓަލައިންސް އަދި އެހެނިހެން އެންޓި-އޮކްސިޑެންޓްތަކުން ބޮޑު ގޮހޮރުގެ ކެންސަރުގެ ޖެހުމުގެ ފުރުސަތު ކުޑަކުރުމަށް އެހީތެރިވެދެއެވެ. އަދި ބީޓްރޫޓުގައި އެކުލެވޭ ފޮލިކް އެސިޑުން ޑީއެންއޭ މަރާމާތުކުރުމަށްވެސް އެހީތެރިވެދެއެވެ.

މިއީ ނުރައްކާތެރި ބައްޔެއް ކަމުގައި ވީނަމަވެސް، ދިރިއުޅުމުގެ ވައްޓަފާޅިއަށް ބަދަލުތަކެއް ގެނައުމާއި ރަނގަޅު ކާނާ ކެއުމުން މި ބަލި ޖެހުމުގެ ރިސްކު ކުޑަވެއެވެ. ވީމާ މި ކެންސަރުން ދުރުވާން ބޭނުންވާނަމަ މަތީގައި ހިމަނާފައިވާ ބުއިންތައް ކޮންމެ ދުވަހަކުވެސް ދުވަސް ފަށައިގަންނައިރު ބުއިމަށް އާދަކޮށް، ފައިދާހުރި އެހެން އާދަތައްވެސް ކޮންމެ މީހެއްގެ ކިބައިގައިވެސް އަށަގަތުމަކީ ވަރަށް މުހިންމު ކަމެކެވެ.

މަސްދަރު: އީޓައިމްސް