ބޮލީވުޑްގެ މަޝްހޫރު ތަރި ސައިފް އަލީ ޚާން އަށް ވަޅީގެ ހަމަލާ ދިން ދުވަހު އޭނާއަށް ލިބުނު ޒަހަމްތަކާއެކު ހޮސްޕިޓަލަށް ގެންގޮސްދިން ޓެކްސީ ޑްރައިވަރާ ސައިފް ބައްދަލުކޮށްފިއެވެ.
ސައިފް ޒަހަމްވެފައިވަނިކޮށް އޭނާ ހޮސްޕިޓަލަށް ގެންދިޔަ އޮޓޯ ރިކްޝާ ޑްރައިވަރު އަންކިތު ނާރާޔަން ޕާލްގެ ވާހަކަ މިހާރު ވަނީ ވަރަށް ބޮޑަށް ވައިރަލްވެފައެވެ. އަދި ހޮސްޕިޓަލުން ދޫކުރުމާއެކު ސައިފް އޭނާއާ ބައްދަލުކޮށް، ޝުކުރު އަދާ ކޮށްފައި ވާކަމަށް މީޑިއާތަކުން ރިޕޯޓު ކޮށްފިއެވެ.
އެގޮތުން އަންކިތު އާ ބައްދަލުކޮށް، ސައިފް އޭނާއަށް 50،000 ރުޕީސް ދީފައި ވާކަމަށް ރިޕޯޓުތަކުގައި ވެއެވެ.
"ސައިފް ސާރ އަހަންނާ ބައްދަލުކުރަން ބޭނުންވެގެން ގުޅުމުން އަހަރެން ބައްދަލުކުރިއިރު އޭނާ ވަރަށް އުފާވެފައި ހުރިކަން ފާހަގަކުރެވުނު. އޭނާ އަހަންނަށް ޝުކުރު އަދާކޮށް 50،000 ރުފީސް ދިން. އަހަރެން އެފައިސާ ބޭނުންކޮށްގެން ދަރިފުޅުގެ ތަޢުލީމަށް ޚަރަދުކުރާނަން. އަދި އެ ފައިސާގެ ބައެއް މަންމައަށްވެސް ފޮނުވާނަން." އީޓައިމްސް ނޫހާ ވާހަކަ ދައްކަމުން އޮޓޯ ޑްރައިވަރު ބުނެފައިވެއެވެ.
ސައިފް އަށް ހަމަލާ ދިން މައްސަލަ މިހާރު އިންޑިއާގެ ފުލުހުން ދަނީ ތަހުގީގު ކުރަމުންނެވެ. އެ ހަމަލާގައި ސައިފަށް ލިބުނު ޒަހަމްތަކުގެ ސަބަބުން އޭނާ ވަނީ މައިބަަދައިގެ އޮޕަރޭޝަނެއް ކޮށްފައެވެ. އަދި މިހާރު އޭނާގެ ހާލު ރަނގަޅުކަމަށް ރިޕޯޓުތައް ބުނެއެވެ.
އެގޮތުން އަންކިތު އާ ބައްދަލުކޮށް، ސައިފް އޭނާއަށް 50،000 ރުޕީސް ދީފައި ވާކަމަށް ރިޕޯޓުތަކުގައި ވެއެވެ.
ސައިފް އަށް ހަމަލާ ދިން މައްސަލަ މިހާރު އިންޑިއާގެ ފުލުހުން ދަނީ ތަހުގީގު ކުރަމުންނެވެ. އެ ހަމަލާގައި ސައިފަށް ލިބުނު ޒަހަމްތަކުގެ ސަބަބުން އޭނާ ވަނީ މައިބަަދައިގެ އޮޕަރޭޝަނެއް ކޮށްފައެވެ. އަދި މިހާރު އޭނާގެ ހާލު ރަނގަޅުކަމަށް ރިޕޯޓުތައް ބުނެއެވެ.
ކިޔުންތެރިންގެ ހިޔާލު