ބަޓަރަކީ ވަރަށް ގިނަ ކާއެއްޗެހި ތައްޔާރު ކުރުމަށް ބޭނުން ކުރާ އެއްޗެކެވެ. ނަމަވެސް މި ބޭނުން ކުރުމުން ލޭގައި ކޮލެސްޓްރޮލް ހުންނަ ވަރު މަތިވެއެވެ. އެހެންވެ، މީގެ ބަދަލުގައި ބޭނުން ކުރެވިދާނެ ފައިދާހުރި އެއްޗެއް އެންމެންވެސް ބޭނުން ވެއެވެ. ތިރީގައި މި ހިމަނާލަނީ ބަޓަރުގެ ބަދަލުގަައި ބޭނުން ކުރެވިދާނެ ބައެއް ފައިދާހުރި ބާވަތްތަކެވެ.

ޒައިތޫނި ތެޔޮ

ޒައިތޫނި ތެލަކީ އޭގައި ގިނަ އަދަދަކަށް މޮނޮސެޗުރޭޓެޑް ފެޓީ އެސިޑުތަކާއި، އެންޓި އޮކްސިޑެންޓުތައް ހިމެނޭ އެއްޗެއް ކަމުން މި ބޭނުން ކުރުމުން ހަށިގަނޑުގައި ކޮލެސްޓްރޮލް ހުންނަ ވަރު ދައްވެއެވެ. އަދި އޭގެ ސަބަބުން ހިތުގެ ސިއްހަތު ރަނގަޅުވެ، ހަށިގަނޑު ދުޅަވުންވެސް ކުޑަވެއެވެ. ވީމާ މިއީ ބަޓަރުގެ ބަދަލުގައި ބޭނުން ކުރެވޭނެ ފައިދާހުރި އެއްޗެކެވެ.

ކާށި ތެޔޮ

ކާށި ތެލަކީ އޭގައި ގިނަ އަދަދަކަށް މީޑިއަމް ޗެއިން ޓްރައިގްލިސެރައިޑު (އެމްސީޓީ) ހިމެނޭ އެއްޗެއްކަމުން މި ބޭނުން ކުރުމުން ހަށިގަނޑުގެ މެޓަބޮލިޒަމް ރަނގަޅުވެ، ހަށިގަނޑުގައި ހަކަތަ ހުންނަ ވަރު އިތުރުވެއެވެ. އެހެންކަމުން ކައްކާއިރު ބަޓަރުގެ ބަދަލުގައި ފައިދާހުރި އެއްޗެއް ބޭނުންވާނަމަ މި ބޭނުން ކުރެވިދާނެއެވެ.

އެވޮކާޑޯ

އެވޮކާޑޯ އަކީ އޭގައި ގިނަ އަދަދަކަށް މޮނޮސެޗުރޭޓެޑް ފެޓީ އެސިޑުތަކާއި ފައިބާ އާއި ވިޓަމިން އަދި މިނަރަލްތައް އެކުލެވޭ އެއްްޗެކެވެ. އެހެންކަމުން މި ބޭނުން ކުރުމުން ހަށިގަނޑަށް ބޭނުންވާ ވަރަށް ނިއުޓްރިއެންޓުތައް ލިބި، މީހާގެ ހިތުގެ ސިއްހަތުވެސް ރަނގަޅުވެއެވެ. ކާއެއްޗެހި ތައްޔާރު ކުރާއިރު ބަޓަރުގެ ބަދަލުގައި ފައިދާހުރި އެއްޗެއް ބޭނުންވާނަމަ، މިއީ ބޭނުން ކުރުން ވަރަށް ރަނގަޅު އެއްޗެކެވެ.

މަސްދަރު: އީޓައިމްސް