ލައްކައަަކަށް ވުރެ ގިނަ ރުފިޔާ އެކައުންޓަކުން ވަގަށް ނެގ މީހަކު ހައްޔަރުކޮށްފި އެވެ.

ކްރިމިނަލް ކޯޓުން ރޭ ނެރުނު ބަންދު އަަމުރުގައިވާ ގޮތުން އެ މައްސަލައިގައި ހައްޔަރުކުރީ ގދ. ތިނަދޫ/ ސްކޫނަރ، ހުސެއިން ޝާހިލް މުހައްމަދު (22އ.) އެވެ.

ޝާހިލްގެ މައްޗަށް މަކަރާއި ހީލަތުގެ ތުހުމަތު ފުލުހުން ކުރި ނަމަވެސް އޭނާ ވަނީ އެ ކުށަށް އިންކާރުުކޮށްފަ އެވެ.

ނަމަވެސް އިންވެސްޓިގޭޝަން އޮފިސަރުގެ ބަޔާނާާ ހަވާލާދީ ކްރިމިނަލް ކޯޓުން ބުނީ މަކަރާއި ހީލަތުން އެއް ލައްކައަށް ވުރެ ގިނަ ރުފިޔާ އެކައުންޓަކުން ނަގައި އޭގެން 95،000 ރުފިޔާ ޖަމާކުރީ ސީދާ ޝާހިލްގެ އެކައުންޓަށް ކަމަށެެވެ. އަދި އޭގެން ބައެއް ފައިސާ ނަގައި އެހެން އެކައުންޓްތަކަށް ޓްރާންސްފާ ކުރިކަން ސްޓޭޓްމަންޓްތަކުން އެނގޭ ކަމަށް ބަންދު އަމުރުގައި ބުނެފައި ވެއެވެ.

އެ މައްސަަލައިގައި ދިފާއުގައި ޝާހިލް ބުނީ އެއީ އޭނާގެ ރައްޓެހި އަބްދުﷲ ކިޔާ މީހަކު ކުރި ކަމެއް ކަމަށެވެ. ނަމަވެސް ޖަމާވި ފައިސާއިން ބައެއް ބޭނުންކުރިކަމަށް އެއްބަސްވެފައިވާ އިރު ބާކީ ފައިސާ އަބްދުﷲ ބުނެގެން ޓްރާންސްފާކުރީ ކަމަށް ވެސް ބުނެފައި ވެއެވެ.

އެ މައްސަލައިގައި ޝާހިލް 15 ދުވަހު ކަސްޓޯޑިއަލް ޖަލެއްގައި ބަންދުކުރަން ކްރިމިނަލް ކޯޓުން ވަނީ އަމުރުކޮށްފަ އެވެ.