ސިކުނޑިއަކީ އަޅުގަނޑުމެންގެ ހަށިގަނޑުގެ އެންމެ މުހިންމު ގުނަވަނެވެ. މިއީ އަޅުގަނޑުމެންގެ ހުރިހާ ހަރަކާތްތަކަށާއި، ފިކުރުތަކަށާއި، އަދި ހަނދާންތަކަށް ޒިންމާ ވާ ގުނަވަނެވެ. ހަށިގަނޑުގެ އެހެން ގުނަވަންތަކެކޭ އެއްފަދައިން ދުޅަހެޔޮކޮށް ހުރުމަށްޓަކައި ސިކުނޑިއަށްވެސް ނިއުޓްރިއެންޓުތައް ބޭނުންވެއެވެ. މިފަހަރު މި ހިމަނާލަނީ ސިކުނޑީގެ ސިއްހަތު ރަނގަޅު ކުރުމަށް ކާންވީ ބައެއް ބާވަތްތަކެވެ.

ރީނދޫ

ރީނދުލުގައި ހިމެނޭ މާއްދާއެއް ކަމަށްވާ ސާކިއުމިން އަކީ ލޭ ފަށަލަ ފަހަނައަޅައިގޮސް އިންފްލެމޭޝަން ދައްކުރުމުގައި އެހީވެދޭ މާއްދާއެކެވެ. އަދި މިއީ ސިކުނޑީގައި އާ ސެލްތައް އުފައްދައި ދިނުމުގައިވެސް އެހީވެދޭ މާއްދާއެކެވެ. މީގެ އިތުރުން ރީނދޫ ބޭނުން ކުރާނަމަ މީހާގެ މޫޑު ރަނގަޅުވެ "އެލްޒައިމާޒް" ފަދަ ބަލިތަކުންވެސް މީހާ ރައްކާތެރިކޮށްދެއެވެ.

ޑާކް ޗޮކްލެޓު

ޑާކް ޗޮކްލެޓަކީ އޭގައި ގިނަ އަދަދަކަށް ފްލެވެނޮއިޑުތަކާއި ކެފެއިން އަދި އެންޓިއޮކްސިޑެންޓުތައް ހިމެނޭ އެއްޗެކެވެ. އެހެންކަމުން ޑާކް ޗޮކްލެޓު ކެއުމުން މީހާގެ ހަނދާން ގަދަވެ، ސަމާލުކަން އިތުރުވެ، ނަފްސާނީ ދުޅަހެޔޮކަންވެސް އިތުރު ކޮށްދެއެވެ. އަދި ސިކުނޑީގައި ލޭ ދައުރުވުން ރަނގަޅު ކޮށްދީ އެންޑޯފީން ބޭރު ކުރުމުގައިވެސް އެހީވެދެއެވެ.

ބްރޮކޮލީ



ބްރޮކޮލީ އަކީ އޭގައި ގިނަ އަދަދަކަށް ވިޓަމިން ކޭ ހިމެނޭ އެއްޗެއް ކަމުން މި ބޭނުން ކުރުމުން ސިކުނޑީގެ ކޮގްނިޓިވް މަސައްކަތްތައް ރަނގަޅުވެއެވެ. އަދި މިއީ ބާރުގަދަ އެންޓިއޮކްސިޑެންޓުތަކެއް ހިމެނޭ އެއްޗެއް ކަމުން މި ބޭނުން ކުރުމުން ސިކުނޑީގެ ސެލްތައް ރައްކާތެރިކޮށްދީ މީހާގެ ހަނދާންވެސް ގަދަ ކޮށްދެއެވެ.

ވީމާ ސިކުނޑީގެ ސިއްހަތު ރަނގަޅު ކުރަން ބޭނުންވާނަމަ ކެއުމުގައި މި ބާވަތްތައް ހިމެނުމަކީ ވަރަށް މުހިންމު ކަމެކެވެ.