ރައީސެއްގެ ހައިސިއްޔަތުން އެމަނިކުފާނު އެންމެ ފަޚުރުވެރިވެވަޑައިގަންނަވާ އެއްކަމަކީ ހިލޭ ޑިގްރީ ޕްރޮގުރާމް ކަމަށް ކުރީގެ ރައީސް އިބްރާހިމް މުޙައްމަދު ޞާލިޙް މިއަދު ވިދާޅުވެއްޖެއެވެ.

ރައީސް ސާލިޙް މިހެން ވިދާޅުވީ އެމަނިކުފާނުގެ ވެރިކަމުގައި ތައާރަފްކުރި ހިލޭ ޑިގްރީ ސްކީމާއި ގުޅިގެން އެކްސްގައި ކުރެއްވި ޕޯސްޓެއްގައެވެ. މީގެ ހަ އަހަރު ކުރިން ތައާރަފްކުރި އެސްކީމާއި ގުޅިގެން ރައީސް އިބްރާހިމް މުހައްމަދު ސާލިޙް ވިދާޅުވީ އެ ސްކީމްގެ ދަށުން ދަރިވަރުންނަށް ހިލޭ މަތީ ތަޢުލީމު ޙާޞިލުކުރުމުގެ ފުރުޞަތު ހުޅުވާލެވުނު ކަމަށެވެ. އަދި އެއީ ރައީސެއްގެ ހައިސިއްޔަތުން އެމަނިކުފާނު އެންމެ ފަޚުރުވެރިވެވަޑައިގަންނަވާ ކަންތައްތަކުގެ ތެރެއިން އެއް ކަންތައްކަމަށް ރައީސް ޞާލިޙް ވިދާޅުވިއެވެ.

On this day, 6 years ago, we launched our Free Degree Scheme opening up the avenue for students to pursue higher studies for free - one of my proudest achievements as President.

When we left office, more than 18,000 young Maldivians were enrolled for degrees and 8,500 young…

— Ibrahim Mohamed Solih (@ibusolih) February 14, 2025

މީގެ އިތުރުން ރައީސް ޞާލިޙް ވިދާޅުވީ އެމަނިކުފާނު ވެރިކަމުން ވަކިވެވަޑައިގެންނެވިއިރު 18،000 އަށްވުރެ ގިނަ ދިވެހި ޒުވާނުން ޑިގްރީ ކޯސްތަކުގައި ބައިވެރިވެފައިވާ ކަމަށެވެ. އަދި 8،500 ދިވެހި ޒުވާނުން މި ޕްރޮގްރާމްގެ ދަށުން އެމީހުންގެ ފުރަތަމަ ޑިގްރީ ފުރިހަމަކޮށްފައިވާކަން އެމަނިކުފާނު ފާހަގަކުރެއްވިއެވެ.

މީގެ އިތުރުން ރައީސް ސާލިޙް ވިދާޅުވީ ތަޢުލީމަކީ ހަމަހަމަކަން ގެނެސްދޭ އެއްޗެއް ކަމަށެވެ. އަދި ތައުލީމްގެ ސަބަބުން ޒުވާނުންނަށް ދިރިއުޅުމުގައި ކުރިއަށްދިއުމަށާއި ޤައުމު ބިނާކުރުމަށް ފުރުޞަތުތައް ހުޅުވާލައިދޭ ކަަމަށާއި ހިލޭ ޑިގްރީ ޕްރޮގްރާމްގެ ކާމިޔާބީއަކީ އެކަމުގެ ހެއްކެއް ކަމަށް ރައީސް ސާލިޙް ވިދާޅުވިއެވެ.